Засгийн газрын хуралдаанаас гаргасан шийдвэрүүдийн талаар мэдээлэл хийж байна. Энэ үеэр, Эрчим хүчний сайд Б.Чойжилсүрэн мэдээлэл өглөө. Тэрбээр, “Ирэх долоо хоног Ерөрхийлөгч У.Хүрэлсүх БНХАУ-д болох олон улсын хамтын ажиллагааны хуралдаанд оролцоно. Энэ үеэр хэд хэдэн баримт бичиг дээр гарын үсэг зурна. Үүний нэг нь Эрдэнэбүрэнгийн усан цахилгаан станцын зээлийн тусгайлсан хэлэлцээрийг байгуулахаар хоёр талаасаа эцэслэн тохироод байна. Хятадын талын бүх төрийн байгууллагууд холбогдох шийдвэрүүд гарсан. Монгол талаас төслийн бэлтгэл ажил бүрэн хангагдаж дууссан. БНХАУ-аас хөнгөлөлттэй зээлийн эх үүсвэрээр нэг тэрбум төгрөгийн зээл авна. Төслийн нийт өртөг 266 сая доллар. Үүний 95 хувь буюу 253 сая долларын зээлийг авна. Зээлийн хугацаа 20 жил. Хоёр хувийн хүүтэй. Эргэн төлж эхлэх хугацаа долоон жилийн дараагаас эхэлнэ. Ирэх долоо хоногийн Ерөнхийлөгчийн айчлалын үеэр миний бие энэ гэрээг үзэглэнэ” гэлээ.
Follow us