Дэлхийн энэ тайвны Нобелын шагналт Далай лам Монголын аравдугаар богд тодорсныг саяхан зарласан нь олон улсын анхаарлыг татсан сэдэв болсон.
Бүр 2016 онд ердөө хоёр настай байхдаа Богд Жавзандамбын дүрээр тодорсон гэх монгол хүүг сар шинийн үеэр нууцаар ширээнд нь залах ёслол үйлдсэн. Энэ нь ҮАБЗ-ийн хэмжээнд яригдаж, төрийн гурван өндөрлөг зөвшилцсөн гэх агуулгаарх мэдээлэл ил болсон билээ.
Улмаар сүүлийн жилүүдэд барууны хэвлэлүүдэд Хятадын комминуст намаас тодруулсан Банчин богдоор өөрийн хойт дүрийг тодруулахыг хүсэхгүй байгаагаа илэрхийлж явсан Далай лам саяхны мөргөл дээрээ дүрээ тодруулах агуулгыг онцолсон. Энэ нь Монголоос тодорсон Х богдоор дүрээ тодруулна гэх мессеж хэмээн уншигдаж буй.
Далай ламыг айлчлах бүрд урд хөршөөсөө “сэрэмжлүүлэг” авдаг байдал энэ удаа X богд дээр дахин давтагдах уу. Үүнд урд хөрш хэрхэн хандах уу гэдэг асуултууд одоогоор хариултгүй хэвээр байна. Улмаар Төв гандангаас X богдын асуудлаар өнөөг хүртэл албан ёсны мэдэгдэл гаргаагүй байна.
БНХАУ -ын зүгээс сар шинийн үеэр Х богдыг ширээнд нь залсныг мэдэнгүүтээ эсэргүүцлийн ноот бичиг илгээсэн гэх мэдээлэл сошиал орчинд явж буй. Гэвч үүнийг албаны эх сурвалжууд эрс үгүйсгэж, ямар ч ноот бичиг ирээгүй гэх тайлбар өгч байна.
Ерөнхий сайд Л.Оюун-Эрдэнэ ирэх сард урд хөршид айлчлахаар бэлтгэлээ хангаж буй энэ үед X богдын асуудлаар эсэргүүцлийн ноот бичиг ирсэн эсэх нь ихээхэн анхаарал татах сэдэв билээ.
Discussion about this post