Бүгд Найрамдах Хорват Улсаас Монгол Улсад хавсран суух Онц бөгөөд Бүрэн эрхт Элчин сайд Дарио Михелин, Нэгдүгээр нарийн бичгийн дарга Санжа Милинович болон тус улсын өргөмжит консул П.Бат-Эрдэнэ нарыг хүлээн авч уулзлаа.
Уулзалтаар хоёр улсын хооронд дипломат харилцаа тогтоосны 30 жилийн ой тохиох гэж буйг онцлон, цаашид худалдаа, хөрөнгө оруулалт, аялал жуулчлалын салбаруудад хамтын ажиллагааг өргөжүүлэх, хөгжүүлэх боломжуудын талаар санал солилцлоо.
Тухайлбал, 2023-2024 оныг “Монголд зочлох жил” болгож зарласантай холбогдуулан Хорват Улсын эдийн засгийн голлох салбаруудын нэг болох аялал жуулчлалын салбарын хөгжлийн туршлагаас судалж, монголын уламжлалт зан заншлыг тусгасан аялал жуулчлалын хэлбэрийг хөгжүүлэх чиглэлээр хамтран ажиллах боломж байгааг дурдлаа.
Discussion about this post