Миний мэдэх ТӨӨНӨГӨӨ….. Энэ хүнийг Очирийн Төмөрбаатар гэх бөгөөд Эрдэнэт хотийнхон түүнийг бүгд танина. Тэрбээр 3 настай хүүхдийн сэтгэхүйтэй гэж ЗХУ-н үеийн Мэргэжилтэн эмч нар оношилж байсан ба Геологич аавийгаа даган Хөвсгөл аймгаас Эрдэнэтрүү иржээ…
Бие нь нас биенд хүрсэн ч сэтгэц нь 3 настай хүү хэрээрээ тул хүүхдэд их хайртай мөн тэдэнтэй хамт тоглох хүсэл өөрт нь байвч хүүхдүүд түүнтэй тоглохоос айн бэргэж Төөнөгөөрүү зөвхөн чулуу л шидэж зугаацах ажээ Тэрбээр бүх юманд 3н настай хүүхдийн сэтгэлээр хандах ба тэр хэрээр түүний дотор нь цав цагаанаараа…
Үүнийг нь мэдэх орсууд гэрийнх нь хажууд ойрхон явж өнгөрмөгц түүнд тамхи тариа хийгээд ойр зуур идэх хүнс өгдөг бол зарим орсууд гэртээ оруулж хооллож өгөөд гаргах нь бий.. Бүрх малгай тавьж костюм өмссөн энэ эр хир болсон ширэн цүнхээ байнга авч явах бөгөөд үе үе зангиагаа засан өөртэй нь мэндэлсэн хүнд хариу болгон бүрх малгайгаа өргөн мэндчилдэг тэрбээр хэнд ч гэм муу юм хийж үзээгүй ба өөрийгөө буруутай үзсэн тохиолдолд гараа зангидаж байгаад өөрийгөө шийтгэн зоддог энэ эрийг Эрдэнэт хотийн бүх иргэд танина.
Төөнөгөөг аль ч цайны газар орсон бүгд л түүнийг таних учир түүнд цай хоол бүгд үнэгүй , түүнтэй ресторанд таарах юм бол угийн соёлч зантай тэрбээр нэг гартаа хутга нөгөө гартаа сэрээгээ барьж хүзүүндээ даавуун сальетка зүүж хоололдог ба хаа нэгтэй түүнтэй таарсан Эрдэнэт хотын хүн бүр Ажил бүтэхнэ ! Мөнгөтэй болох нь ! Өнөөдөр би азтай байна хэмээн билэгшээдэг авай …
Тэрбээр өөртэй нь яриа өрнүүлсэн нэгэнтэй тун ажил хэрэгч хандах ба “Одоо миний машин ирж намайг авна” гэдэг үгээ хүн бүрт учирлан тайлбарлана… Түүний мөнхийн унаа нь 2021.03.26ны өдөр ирсэн ба тэрбээр Диваажинд тэнгэр элчүүдийн хамт мөр зэрэгцэн ажиллахаар Эрдэнэт хотоо орхин үүрд мөнхийн унаандаа суусан болой…. Миний мэдэх хүүхэд насны минь дурсамж Төөнөгөө та хүмүүний хутагийг эргэж олоод Эрдэнэт хотдоо дахин төрөөрэй…
Бичсэн Б.Энхболд
