Олон жилийн туршид сөрөг хүчнийхэн ОХУ-ын Ерөнхийлөгч Владимир Путинд орлон тоглогч байгааг нотлох материалуудыг интернетэд нийтэлсээр ирсэн. ТАСС-ийн сэтгүүлчид энэ сэдвийг үл тоомсорлон орхиж чадаагүй байна.
Андрей Ванденко Ерөнхийлөгчтэй ярилцаж байхдаа, энэ сэдвээр гарч буй нийтлэлийг вэб дээр байнга үзэх боломжтой бөгөөд хайлтын системүүд нь “Путин нь хоёрдох дүртэйн нотолгоо” гэх мэт асуултуудыг хэрхэн тэвчиж байгааг асуужээ.
Сэтгүүлч энэ сэдвээр ерөнхийлөгчөөс тайлбар хүссэн байна. Гэхдээ өмнө нь тэрбээр Путинаас “та жинхэнэ үү?” гэж асуув. Путин товчхоноор “тийм” гэж хариулав. Дараа нь тэр ийм сэдэв ялангуяа 2000 онд хамааралтай байсан гэж хэллээ.
Төрөөс ОХУ-ын нутаг дэвсгэр дээрх террорист бүлгүүдийн эсрэг эвлэршгүй тэмцэл явуулж байгаа нөхцөлд, тусгай алба нөөц дүр шаардлагатай байсан хэмээн мэдэгдэв.
“Би хоёр дахь дүрд бууж өгөөгүй. Тэр үе терроризмтой тэмцэх хамгийн хэцүү цаг үе байсан” гэлээ.
Сидельников: Путин орлон тоглогчидтой, барууныхан ч мэддэг
Дэлхийн удирдагчдын амь насыг хамгаалах зорилгоор тэднийг орлох адилхан хүмүүсийг бэлтгэдэг гэх батлагдаагүй яриа байдаг. Үүний нэг жишээ болох, Оросын Ерөнхийлөгч Владимир Путин “ихрүүд”-тэй, уулзалт, арга хэмжээнүүд дээр түүний орлон тоглогч очдог гэх яриа олон жилийн өмнөөс л гарч ирсэн. Харин дайн эхэлснээс хойш ийм таамаглала газар авах болсон юм.
Саяхан Оросын сөрөг хүчний төлөөлөгч Андрей Сидельников FREEDOM телевизэд ярилцлага өгөхдөө Путиний оронд түүний орлон тоглогчид гарч ирэх нь олширсон, тухайлбал Беларусьт айлчлах үед Путин өөрөө биш харин орлон тоглогч нь очсон, учир нь жинхэнэ Путинээс хавьгүй өндөр байсан хэмээн өгүүлжээ.
“Хамгийн сүүлд гэхэд л тэр Лукашенко дээр очих үед онгоцноос бууж багаа хүн Путинээс хавьгүй өндөр байсан. Путин намхан нуруутай шүү дээ. Александр Лукашенког би биечлэн харж байсан, түүний өндөрийг мэднэ, эндээс зэрэгцүүлээд харахаар Путиний оронд орлон тоглогч нь очсон гэдэг нь илт” хэмээн Сидельников өгүүлжээ.
Сидельниковын өгүүлснээр, Путиний орлон тоглогчдын талаар Европын удирдагчид ч сайн мэддэг гэнэ. Минскийн хэлэлцээрт бэлтгэх хүрээнд зохион байгуулагдах нэгэн уулзалтан дээр Путин биш түүний орлон тоглогч ирсэний улмаас уулзалт цуцлагдаж байсан гэж Сидельников өгүүлжээ.
“Хэлэлцээрийн талаар зөвлөлдөхөөр Европын орнуудын удирдагчид цугласан нэгэн уулзалтан дээр Путин өөрөө биш орлон тоглогчоо оролцуулахаар явуулсан. Европын удирдагчдыг хуурч дөнгөөгүй, хурлыг хойшлуулсан. Миний олж авсан мэдээллээр, Ангела Меркель Путинийг нисэж ирэхэд шаардлагатай хугацаагаар тэр танхимд сууж хүлээхэд бэлэн эгж хэлсэн гэсэн. Европын удирдагчид хэнтэй ярьсан гэдгээ сайн мэдэж байсан гэж би бодож байна” хэмээн Сидельников өгүүлсэн байна.
Түүний үзэж байгаагаар, Оросын Ерөнхийлөгчийн хэвлэлийн нарийн бичгийн дарга Песков ч Путинийг харалгүй “их удаж байгаа” гэнэ.
“Өөрийг нь хордуулах, өөр аргаар хөнөөх вий гэхээс Путин айдаг. Түүнийг хөнөөчихнө гэсэн айдсаасаа болж орлон тоглогчдыг ашигладаг. Магадгүй ойрын хүрээлэлд нь түүнийг хөнөөх хүсэлтэй хүмүүс байдаг байх. Гол асуудал нь, түүнийг хөнөөх тун хэцүү гэдэгт л байгаа юм” хэмээн Андрей Сидельников онцолсон байна.
Путиний орлон тоглогчдын талаар хэн юу гэв
Путин олон нийтийн арга хэмжээнд орлон тоглогчдоо оролцуулдаг гэх мэдээлэл байнга гардаг юм. Өмнө нь, Оросын Улсын аюулгүй байдлын хороо, тагнуулын газрын ажилтан асан Сергей Жирнов хэвлэлд ярилцлага өгөхдөө Путин Лукашенкотой хийх уулзалт руу орлон тоглогчоо явуулсан хэмээж байв.
Мөн энэ оны зул сарын мөргөлд Путиний оронд түүний орлон тоглогч очсон гэж Оросын улс төр судлаач Валерий Соловей Медуза агентлагт өгсөн ярилцлагадаа онцолж байлаа.
Украины тал ч Путиний оронд орлон тоглогчид нь гарч ирж байгаа гэж үздэг юм.
Украины Тагнуулын ерөнхий газрын дарга Кирилл Будановын мэдэгдсэнээр Путинийг орлон тоглогчид нь орлож байж болзошгүй бөгөөд дор хаяж гурван орлон тоглогч Путинд байдаг гэнэ.
Харин Украины Аюулгүй байдлын зөвлөлийн орлогч дарга асан Виктор Ягуны үзэж байгаагаар орлон тоглогчийг бэлдэхэд тун хүнд, тиймээс Путинд ганц л орлон тоглогч байдаг аж.
Оросын хүний эрхийг хамгаалагч, блогчин Марк Фейгиний ярьснаар, амь насанд нь халдах оролдлого гарч магадгүй гэж үзсэн тохиолдолд Путинийг орлох “шуурхай орлон тоглогчид” байдаг гэнэ. Гэхдээ олон улсын арга хэмжээнд Путин орлон тоглогчдоо явулахгүй өөрөө оролцдог аж.
