Уламжлалт сар шинийн баяр болох гэж байгаатай холбогдуулан сүүлийн өдрүүдэд ил задгай, нийтийн эзэмшлийн талбайд худалдаа олноор гарч байна. Иймд чанарын шаардлага хангахгүй газар бэлтгэсэн бууз банш, мах, цагаан идээ худалдан авахгүй байхыг Мэргэжлийн хяналтын ерөнхий газар (МХЕГ)-аас онцгойлон анхааруулж байна.
МХЕГ-ын Хүнсний чанар, стандартын хяналтын Улсын ахлах байцаагч Л.Баясгалан хэлэхдээ, “Гарал үүсэл тодорхойгүй байх нь хаана, хэзээ үйлдвэрлэсэн нь тодорхойгүй гэсэн үг. Тиймээс бүтээгдэхүүний хаяг, шошгийг сайн харж, худалдаа хийх ёстой. Ил задгай, чанарын шаардлага хангахгүй газарт бэлтгэсэн бууз банш, мах, цагаан идээ худалдан авахгүй байхыг онцгойлон анхааруулж байна. Манайхан бууз, баншийг гар аргаар бэлтгээд, 5-6 цаг гадаа хөлдөөдөг. Агаарын бохирдол их байгаа ийм үед тухайн бүтээгдэхүүнд гадны бохирдол үүсэх эрсдэл их байдаг. Тиймээс зориулалтын хөлдөөгчид, үйлдвэрийн орчинд хийсэн бууз, банш худалдан авахыг сануулж байна” гэлээ.
Гар аргаар бэлтгэсэн бууз, баншны дийлэнх нь стандартын шаардлага хангадаггүй. Үхэр, хонины махаар хийсэн гэдэг ч тэмээ, ямааны махыг хольж хийсэн тохиолдлыг мэргэжлийн байгууллагынхан тогтоож байжээ. Энэ нь нян үүсэх орчныг бүрдүүлдэг тухай мэргэжилтнүүд хэлж байлаа.
Мөн хүнсний чиглэлийн үйл ажиллагаа эрхлэгч ААН, иргэд үйлдвэрлэлд үндсэн түүхий эд хүлээн авах, бүтээгдэхүүн үйлдвэрлэх явцдаа чанар, аюулгүй байдлыг хангаж, дотоод хяналтыг хэрэгжүүлж ажиллахыг мэргэжилтнүүд зөвлөж байна.
Согтуугаар тээврийн хэрэгсэл жолоодож буй эсэхийг үлээлгэхгүйгээр танддаг болов
К о вид-19 цар тахлын улмаас coгтyyгaap замын хөдөлгөөнд оролцох, тээврийн хэрэгсэл жолоодож байгаа жолооч нарын coгтyypлын хэмжээ, гэмт xэpгийн зөр члийг шалгахад хүндрэлтэй болсон.
Баянзүрх дүүргийн Гэмт хэргээс урьдчилан сэргийлэх ажлыг зохицуулах салбар зөвлөл нь дүүрэг дэх Цагдаагийн газрын Замын цагдаагийн хэлтэст coгтyyгaap тээврийн хэрэгсэл жолоодох зөрчлийн илрүүлэлтийг сайжруулах энэ төрлийн гэмт хэрэг, зөрчлийг таслан зогсоох зорилгоор БНСУ-д үйлдвэрлэсэн IBLOW-10C тандагч 25 ширхэг багажийг захиалан авч хүлээлгэн өгчээ.
Халдвар тараах эрсдэлтэй гэж үзэн жолооч нар зарим тохиолдолд үлээх багаж ашиглахаас татгалздаг. Тэгвэл согтуурлын зэрэг хэмжигч багаж нь үлээх шаардлагагүйгээр хүний бие болон гарт хүргэхгүйгээр ашиглах боломжтой аж.
.
”Ирж буй бар жил залууст ээлтэй, нялхаст дунд зэрэг, ахмадуудад машид ширүүн болой”
XVII жарны “Сайжруулагч” хэмээх усан бар жилийн өнгө зурхайд хэрхэн зурагдсан талаар Монголын бурхан шашинтны төв Гандантэгчэнлин хийдийн Хэвлэл мэдээлэл, олон нийттэй харилцах албаны ажилтан А.Жамъяансүрэнтэй ярилцлаа.
– Ирж буй бар жилийн ёгт нэрийн талаар яриагаа эхлэх үү?
– Ёгт нэр нь 60 жилд нэг удаа давтагддаг бөгөөд энэ жаранд “Сайжруулагч” хэмээх тодотголтой жил нэг л байна. Ирж буй усан бар жилд амьтдад амгалан жаргалан ирнэ хэмээн зурхайн шүнд айлдсан байна.
– Жилийн өнгийг шороон үхрийн зурлагаар шинждэг. Бар жилийн өнгө шороон үхрийн зурлага хэрхэн зурагдсан талаар ярихгүй юу?
– Шороон үхрийн толгойн өнгө хөх, биеийн өнгө ногоон, эвэр, сүүл, чих нь шар, дөрвөн шийр нь хөх, ходоод нь цагаан байна. Үхэр хариулагч нь залуу хүмүүн бөгөөд шар дээлтэй, ногоон бүстэй, хөх царайтай. Насны хувьд идэр хүмүүн байх агаад үс нь зүүн чихний араар ба баруун чихний өмнүүр хийссэн. Унгасан шилбүүр барьсан, хөл нүцгэн үхэр хариулагч хүн үхрийн баруун талд алхаж явна.
Шороон үхрийн ерөнхий шинжээс харвал жилийн эхэндээ гандуу, хавар хийгээд дөрвөн улирлын эхээр хуртай. Хур ихэднэ. Хүйтэн болон бадган/халдварт/ өвчин гарна.
Мөн улс орон цогтой, буянтай байх нь.
Үхэр хариулагч нь залуу хүмүүн байгаа нь залууст ээлтэй, нялхаст дунд зэрэг, ахмадуудад машид ширүүн болой. Үхэр хариулагч унгасан шилбүүртэй байгаа нь хаад, түшмэлтэй ард түмэн тэмцэлдэхийг илтгэж байна.
Тэгэхээр жил орж байгаа эсвэл гарч байгаа настай хүмүүс жилийнхээ заслыг заавал хийлгэх хэрэгтэй. Мөн шинэ мэндэлсэн хүүхдийнхээ заслыг хийлгээрэй.
– Байгаль цаг уурын үзэгдэл дээр тодотгоод хэлбэл, улирлын эхэндээ хуртай гэлээ. Хур тунадасны хэмжээ аюултай хэмжээнд хүрэх үү?
– Өнгөрсөн жилүүдтэй харьцуулахад хур ихтэй ч ноцтой хэмжээнд их биш.
– Сар шинийн баяраар хүүхдийн даахь авах үйлийг түгээмэл хийдэг. Энэ жилийн хувьд шинийн хэдэн, хэдний өдрүүд даахь авахад тохиромжтой байна вэ?
– Эрэгтэй хүүхдийн даахийг сондгой, эмэгтэй хүүхдийнхийг тэгш настайд авдаг. Хүүхдийн жилээс хамаараад үс авах өдрийг цаг тооны бичиг дээрээс харж хэлж өгч болно. Ер нь бол шинийн 15-н дотроо багтаад үс авахад сайн.
Бурхан багш шинийн 1-15-нд номын хүрд эргүүлсэн буюу их номлол үйлдсэн. Энэ хугацаанд буяны үйл үйлдвэл машид ихээр арвиждаг гэж үздэг.
– Ирж буй бар жилд ямар ямар жилтэй хүмүүс онцгойлон засал хийлгэхээр байгаа вэ?
– Мэдээж хэрэг жил орж байгаа буюу бар жилтэй хүмүүс, Логар буюу цагаан жил орж байгаа үхэр жилтэй хүмүүс засал хийлгэнэ.
Мөн 33 насны мөчлөг орж байгаа, бага харш жил орж байгаа могой, гахай жил, их харш жил орж байгаа бич, жилтэй хүмүүс засалтай.
– Гандантэгчэнлин хийд засал номын үйлд цар тахалтай холбоотойгоор тавьж буй хязгаарлалт бий юу?
– Хязгаарлалт байхгүй. Цар тахлын дэглэм сайтар сахиж цахимаар болон кассаар айлтгалын номоо бичиж байна.
Эх сурвалж: ikon.mn
