Хятадын хойд нутагт долоо хоногийн хугацаанд 11 мужид нь C.O.V.I.D-19-ийн 100 гаруй тохиолдол бүртгэгджээ. Үүнтэй холбоотойгоор орон нутгийн засаг захиргаа нь хязгаарлалтын шинэ арга хэмжээ аваад байна.
“Аравдугаар сарын 17-ноос хойш Хятадад халдварын дэгдэлтийн хэд хэдэн голомт бүртгэгдэж, маш хурдан тархаж байна. Дэгдэлт цааш нь өсөх эрсдэлтэй” хэмээн БНХАУ-ын Үндэсний эрүүл ахуйн хорооны төлөөлөгч Ми Фэн ням гарагт мэдэгджээ.
Хэдийгээр Хятадын хүн амын 75% орчим нь буюу 1 тэрбум гаруй хүн C.O.V.I.D-19-ийн вакциндаа бүрэн хамрагдсан ч халдвар тархсаар байгаа гэнэ.
Эхний дэгдэлт аравдугаар сарын 16-нд Хятадын хойд хэсгээр аялж явсан Шанхайн өндөр настнуудаас илэрчээ. Тэд вакциндаа бүрэн хамрагдсан байсан аж. Ми-гийн хэлснээр, ням гарагийн байдлаар ха.лд.варын 133 тохиолдол гарсны 106 нь аяллын 13 багтай холбоотой байжээ.
Халдвар Хятадын муж, бүсийн гуравны нэгд гараад байна. Тухайлбал, Өвөрмонгол, Ганьсу, Нинся, Гуйжоу, Бээжин халдварт өртжээ. Аялал жуулчлалын агентлагуудыг эдгээр бүсээд аялахыг хориглож, нийслэлийн захиргаа нь ням гарагт хот руу орох хязгаарлалт тогтоожээ.
Өдгөө халдварын өндөр болон дунд эрсдэлтэй бүсээс ирсэн аялагчид Бээжинд коронавирусийн сөрөг хариутай байж, хоёр долоо хоногийн турш ажиглалтад байсны эцэст нийслэлд нэвтрэх эрхтэй.
Тэгвэл Өвөрмонголын Эзнээ хошуунд 12 шинэ өвчтөн илэрсний дараа нутгийн иргэд, жуулчдыг гэр, зочид буудлын өрөөнөөсөө гарахыг хориглож, Эрүүл мэндийн орон нутгийн хорооны захирал зэрэг 6 хүнд хатуу шийтгэл ногдуулжээ.
Ланьжоу, хөрш Ганьсу мужуудад амралтын өдрүүдэд аялал жуулчлалын бүхий л үйл ажиллагааг зогсоох арга хэмжээ зохион байгуулсан байна.
Эх сурвалж: TSN
Сэрэмжлүүлэг: Хөвсгөл аймагт баавгай айлын гэрлүү дайрч 10 ямаа хоёр үхэр барьжээ
Ойрын үед манай орны зарим бүс нутагт баавгай олноор харагдаж, мал амьтан руу дайр ч байгаа хэрэг гараад байгаа билээ.
Тэгвэл энэ нь зун ОХУ-д их хэмжээний ойн түймэр гарсантай холбоотойгоор идэш тэжээл хайж яваа баавгайнууд байж болзошгүй байгаа аж. Саяхан гэхэд Хөвсгөл аймгийн Цагаан-Уул сумын нутагт баавгай айл руу дайрч, 10 ямаа, дөрвөн ухна, хоёр үхэр барь.сан хэрэг гарчээ. Мөн гэрийн гаднаас нь caвapдаж, гэр дээгүүр явж, бүрээсийг нь урж, гэрийн унь хугалсан байна.
М.Оюунчимэг: Халдвар аваагүй иргэдээ урамшууллаа гээд авсан иргэнээ буруутгаж байгаа зүй биш байгаа зүйл биш
Нийгмийн бодлогын Байнгын хорооны өнөөдрийн хуралдаанаар 2022 оны улсын нэгдсэн төсөвтэй холбоотой асуудлаар хэлэлцсэн.
Энэ үеэр байнгын хорооны дарга М.Оюунчимэг kopoнавиpycийн халдвар аваагүй иргэддээ зориулж нэг удаагийн дэмжлэг үзүүлэх санал гаргасан юм.
Түүнээс энэ талаар тодруулахад “Би санал хэлээгүй. Энд буруу ойлголт явах шиг боллоо. Ирэх оны төсөв хэлэлцэж байх үед урьдчилан сэргийлэх дээр нийтийн эрүүл мэндийг хамгаалах чиглэлд онцгой анхаарч төсөвт хөрөнгийг тодорхой зааж, тусгаж өгөхгүй бол болохгүй гэдэг нь харагдсан.
Манай байнгын хорооноос ажлын хэсэг гарахад урьдчилан сэргийлэхэд анхаарч байгаа хүмүүст 50 мянган төгрөг зарцуулж байхад халдвар аваад өвчилсөн хүнийг эмчлэхэд 12 сая төгрөг зарцуулж байгаа.
Тиймээс тухайн хүнийг өвчлөхгүй байхад анхаарч ажиллах нь чухал гэх саналыг гаргасан. Эрүүл монгол хүн болоод хариуцлагатай байж, халдвар аваагүй иргэнээ дэмжих хэрэгтэй. Гэхдээ бид халдвар авсан иргэнээ буруутгаж байгаа зүйл биш. Зөвхөн урьдчилан сэргийлж, халдвар аваагүй 2.7 сая иргэнээ урамшуулах шаардлагатай гэдэг асуудлыг хөндсөн. Эрүүл мэндийн даатгалаа төлдөг ч халдвар аваагүй иргэд урьдчилан сэргийлэхэд нь анхаарч, төсөвт суулгах хэрэгтэй гэж үзж байгаа юм” гэх тайлбарыг өглөө.
А.АРИУНЗАЯА: Малчдын нийгмийн даатгалын талыг таван жил төрөөс даах заалтыг шинэ хуулинд оруулна
Нийгмийн бодлогын байнгын хорооны хуралдаан боллоо. Энэ удаагийн хуралдаанаар Монгол Улсын 2022 оны төсвийн тухай, Нийгмийн даатгалын сангийн 2022 оны төсвийн тухай, Эрүүл мэндийн даатгалын сангийн 2022 оны төсвийн тухай, Ирээдүйн өв сангийн 2022 оны төсвийн тухай хуулийн төслүүдийн талаар хэлэлцсэн юм. Хэлэлцэж байгаа сэдэвтэй холбогдуулан гишүүд асуулт асуун, хариулт авлаа.
УИХ-ын гишүүн Д.Батлут “Малчин өрхүүдийг нийгмийн даатгал, эрүүл мэндийн даатгалд хамруулах ажил нэлээд учир дутагдалтай байгаа. Тэтгэврийн даатгалын тогтолцоо маш хүнд байдалд ороход ойр байгаа. ХНХ-ын сайд А.Ариунзаяагийн мэдээлж буйгаар нийт малчин өрхийн 25 орчим хувь нь сайн дурын даатгалд хамрагддаг гэж байна. Үүнийг 100 хувь болгох боломж байгаа юу” гэж асуув.
Хөдөлмөр, нийгмийн хамгааллын сайд А.Ариунзаяа “Бид удахгүй Нийгмийн даатгалын багц хуулийг хэлэлцэнэ. Энэ хуулинд малчдад зориулсан нэг заалт байгаа нь таван жилийн хугацаанд сайн дурын нийгмийн даатгалын шимтгэлийнх нь 50 хувийг төрөөс даах агуулга оруулж ирж байгаа. Ингэснээрээ ирээдүйд гарч болох өндөр зардлыг өнөөдөр бага зардлаар хаах бодлогын өөрчлөлтийг санал болгож байгаа” гэв.
Л.Халтар: Дарханы замаар бид инээгээд алхах өдөр ирнэ Дуусгах нь биш эхлүүлэх нь чухал бид эхлүүлж чадсаан
Монгол Улсын Засгийн газрын гишүүд өнөөдөр 2022 оны төсвийн төсвийн төслийн талаар сэтгүүлчидтэй уулзалт хийсэн юм. Уулзалтад Хууль зүйн сайд Х.Нямбаатар, ЗТХ-ийн сайд Л.Халтар, Гадаад харилцааны сайд Б.Батцэцэг, УУХҮ-ийн сайд Г.Ёндон нар оролцож, ирэх онд салбартаа хийж хэрэгжүүлэх ажлуудаа танилцуулсан. Энэ үеэр ЗТХ-ийн сайд Л.Халтар дарханы замын бүтээн байгуулалтын талаар мэдээлэл өглөө.
Тэрээр “Дарханы зам хэзээ дуусах нь яах вэ. Хамгийн чухал нь энэ ажил эхэлсэнд байгаа юм. Аливаа ажлыг эхэлнэ гэдэг бол ажлын 50 хувь юм. Хоёр, дөрөвдүгээр багц дээр шалгарсан компани хариуцлагагүй хандсан нь үнэн. Бид 2020 оны наймдугаар сараас гэрээ цуцлах асуудал тавьж, маргаан нэлээд гарсан.
Тухайн компани хийгээгүй ажлаа хийсэн мэтээр тайлбарлаж, гүйцэтгэл бичиж үүнийг яам, зөвлөх компани хүлээн зөвшөөрөөгүй. Иймд маргаан гарч улмаар 2021 оны хавар ажлыг хийж чадаагүй. Үүнийг юуг нь нуух вэ. Ингээд бид дахин тендер зарлаж 2021 оны найм, есдүгээр сард гүйцэтгэгч тодорч ажлаа одоо хийж байна.
Азийн хөгжлийн банкны санхүүжилтээр хийж буй гурван багцыг хучсан. Европын сэргээн босголтын банкны нэгдүгээр багцын 18 км-ыг одоогоор хуччихсан явж байна. Энэ зэргээр ажлууд явж байна.
Өнгөрсөн зуны хувьд байдал хүнд байлаа. Хэнээс ч нуухгүй. Тодруулбал, 70 хоног бороо орсон, барилгын гүйцэтгэгч болон зөвлөх компанийн ажилчдын байранд коронавирус гарсан гээд олон зүйл шалтгааллаа. Гэхдээ бид уйлан дуугарч хэцүү байна гэсэнгүй, ажлыг хойшлуулсангүй. Хий гэдэг байдлаар шахаад явж байна. Эхэлсэн л юм чинь дуусах болно. Ирэх жил дуусгахын төлөө бүх хүчин чармайлтаа тавьж ажиллана. Зарим ажлыг өвөл хийнэ. Бухимдал байгааг ойлгож байна. Гэхдээ энэ зам ашиглалтад орж, бид инээгээд алхах өдөр ирнэ гэдэгт 100 хувь итгэлтэй байна” гэлээ.
