Умард Солонгосын сэдэвтэй мэдээг англи хэлээр нийтэлдэг NK News сайтад саяхан тус улсын удирдагч Ким Жон Ун жин хассан тухай мэдээлсэн юм.
Зургаадугаар сарын 5-нд Умард Солонгосын төв мэдээллийн агентлаг улс төрийн товчооны хуралд оролцож буй Ким Жон Уны зургийг нийтэлж байв. Энэ зургийг жилийн өмнө авхуулсан бусад зурагнуудтай харьцуулахад үнэхээр “их удирдагч” жин хассан нь мэдэгдэж байжээ.
Тухайлбал түүний зүүн гарын бугуйндаа зүүсэн Швейцарын IWC Schaffhausen компанийн Portofino Automatic цагны оосрын хэмжээг харьцуулж шинжээд турсныг нь тогтоосон байна. Ким Жон Ун турсныг эрүүл мэндтэй нь холбоотой байж болзошгүй гэсэн таамаг яригдаж эхэлжээ.
Өчигдөр Өмнөд Солонгосын эх орноо нэгтгэх яамны төлөөлөгчөөс сэтгүүлчид энэ талаар асууж, хариулт авсан байна. Ким Жон Уны зураг Умард Солонгосын төв хэвлэлд нийтлэгдэх бүрт харьцуулж, судалдаг тухай тус яамны төлөөлөгч мэдээлжээ. Гэхдээ түүний эрүүл мэндийн талаар гаргасан дүгнэлтээ олон нийтэд зарлах боломжгүйг хэлсэн байна.
Өмнөд Солонгосын үндэсний т.а.г.н.у.у.л.ы.н алба 2020 оны арваннэгдүгээр сард парламентад өгсөн мэдээлэлдээ 2012 онд 90 кг жинтэй байсан Ким Жон Ун жил бүр 6-7 кг нэмсээр 140 кг хүрээд байгааг нотолж байв.
37 настай, 170 орчим сантиметр өндөртэй Кимийн хувьд энэ нь хэт таргалалт юм. Зарим ажиглагчид түүнийг удмын зүрх судасны өвчтэй тул зориуд жин хассан байж болзошгүй гэж үзэж байна. Тухайлбал түүний өвөө Ким Ил Сун 82 насандаа, аав Ким Жон Ил 69 насандаа зүрх судасны өвчнөөр н.а.с б.а.р.ж байжээ.
Соёлын сайд Хятад коммунист хувцасаар гангарч Дэлхийд Монголыг Хятадын муж мэт харагдуулах нь …
Соёлын сайд Ч.Номингийн өмссөн хувцас олны шүүмжлэлийг дагуулаад байна. Тэрээр твиттер хуудсанд ‘Төрийн алба хашиж буй сайд, үндэсний ижилсэл, амин чанарыг бүрдүүлэхэд хувь нэмрээ оруулах учиртай соёлын бодлого хариуцсан хүн нангиад Сун Ят Сений хувцас өмсч олны өмнө гарсныг бол эсэргүүцнэ’ хэмээн цөөнгүй хүмүүс түүний хувцаслалтад дургүйцлээ илэрхийлжээ.
Энгийн нэг сайт руу ороод Chinese tang suit гэж хайхад 138¥ гэж гарч ирэх жишээний. Ч.Номин бол Соёлын сайд хүн Анужин гишүүн шиг байнга Монгол дээлээ өмс гэж хэлэхгүй ч зөрж Хятадын коммунист хувцас өмсөж Дэлхийд Монголыг Хятадын муж мэтээр ойлгуулж олны дургүйцлийг ийнхүү хүргэв.
Мөнгөтэй бол Монголд САЙД болж болно. Ч.Номин
