Иргэн Чингис хаан гэх залуу сурагч охинтой үнсэлцэж буй стори хийжээ!!!Т үүний эхнэр саяхан нярайлсан юм…
Мөн тэрээр 19 настай охинтой мөн хайр дурлалын холбоотой болсноо ч зарлаад амжсан юм.
Хаантаан хэмээн хөөргөх нэгэн байхад, хийж байгаа үйлдэл, хэлж байгаа үгийг нь сонсоод бухимдах нэгэн ч байдаг. Түүнийг эхнэрээ хаяж явсан талаар нилээд шуугисан.
Учир нь дөнгөж төрсөн эхнэр хүүхэд дээрээ очихгүйгээр 18 настай Хонгорзул гэх эмэгтэйтэй хайр сэтгэл ярьж, зураг хөргөө олон нийтийн сүлжээнд тавьж, тэр бүү хэл насны ханиа олсон хайраа олсон гэж бичлэг тавьж байгаа нь олон хүний бухимдлыг төрүүлээд авсан.
Олон нийт дургүйцэж эхлэхэд тэрээр энэ замбараагүй хайр сэтгэлийнхээ талаар: Би Хонгорзулдаа хайртай, Анхжинтай хайртай, Алтантуяадаа хайртай, Мэргэн, Цэцэн хүүдээ хайртай би бүгдийг нь хаяхгүй гэж бичлэг оруулж байсан юм.
Тэгвэл өнөөдөр Хонгорзултайгаа хайр дуулан Мэргэн Анхжин хоёрыг эргэж очлоо. Өмнө нь амьдрал зохиож нэг хүүг хагас өнчин өсгөж байгаа тэрээр дахин нэг хүүхдийг өнчрүүлж, аавыгаа хүлээх сэтгэлийн хүлээсэнд оруулж байгаа нь түүнийг ямар хүн бэ гэдгийг харуулах мэт.
Харин тэрээр энэ үйлдлээ бидний харилцаа та нарын бодож байгаа шиг биш. Бид бол шал өөр ертөнцийн хүмүүс ,бидний харилцаа хаа хаанаа хэвийн байгаа гэлээ.
Тэгвэл түүний дараагийн хайрын холбоос нь сурагч охин сонгогдсон бололтой… Тэрээр өөрийн цахим хуудсанд стори хийж дахин шинэ хайртай учирснаа зарлалаа…
Чингисхаан нэрээр сошиалд олноо танигдсан залуу бол М.Баасанжаргал. Тэрбээр 2018 онд УБЕГ-т албан ёсоор нэрээ солиулах өргөдөл гаргаж, Чингисхаан нэртэй болжээ.
М.Чингисхаан 2017 оноос эхлэн гэрээсээ явж, гурван жил орчим бадарчлан амьдрахдаа юуг ойлгож мэдэрсэн, “тэнгэрт нисэж байснаа одоо газарт бууж”, хүн болж амьдрахаар шийдсэн талаараа ярилаа. Түүний дотоод ертөнц, юу бодож сэтгэж, юунд зорьж яваа талаар ярилцсанаа хүргэж байна.
-Таны нэрний талаар яриагаа эхэлье. Яагаад Чингисхаан болов. Зүгээр л олонд танигдах гэсэн PR байсан юм уу?
-Би тайз, дэлгэцийн жүжигчин, найруулагч мэргэжилтэй. 2015 онд “Монгол гэр ухаан” төсөл хэрэгжүүлж явж байлаа. Тэгээд гол нь хийж байгаа үйл хэргээрээ олонд танигдах гэж нэлээд үзсэн л дээ. Гэвч үйл хэрэг маань өөрөө танигдаагүй. Бор зүрхээрээ явж байгаа надад танигдах тийм боломж олдохгүй байсан. Тиймээ с түүх, соёлоо, тэр дундаа Чингисхаан гэдэг нэрийг судалж үзэхэд, энэ нь цол хэргэмийн нэр байсан. Энэ нэрийг архины шинээс авахуулаад ашиглаж байсан. Цаашлаад Өвөрмонголчууд, урд хятадууд Чингис хаан тухай кино хийж байсан. Янз бүрийн бүтээн байгуулалтууд хийж байна. Нэг өдөр Чингисхаан Хятадынх байсан гээд хэлээд гараад ирэхэд манай монголчууд амаа барина шүү дээ.
Морин хуур хятадынх гээд өмнө нь бөөн юм болж байсан шүү дээ. Тиймээс бид өөрсдийн өв соёл, түүх язгуураа хадгалж, үр хойчдоо өвлүүлэх цаг нь болсон. Ялангуяа залуучууд бид энэ үүргийг хүлээсэн. Тиймээс залуучууддаа дохио, сэрүүлэг болох гэж өөрийнхөө нэр алдарыг Чингисхаан гэж нэрлэсэн. Албан ёсоор Иргэний бүртгэл мэдээллийн төвд иргэний үнэмлэх, гадаад пасспорт гээд бүх бичиг баримтаа Чингихаан нэртэй болгож солиулсан. Бид өнгөрсөн түүхээрээ бахархаж, цээжээ дэлдэхийн оронд бид 21-р зуунд өөрсдөө Чингисхаан болж дараагийн түүхийг шинээр бүтээх боломж байгаа шүү гэдгийг залуучуудад өөрийнхөө биеэр таниулж хүргэх гол зорилго байсан.
-Чингисхаан байна гэд сошиалаар гараад ирэхэд чинь энэ хүн ямар ч байсан эрүүл хүн биш байна гэсэн олон нийтийн хандлага гарсан?
-Ер нь цоо эрүүл хүн Монголд байгаа юм уу, үгүй юм уу сайн мэдэхгүй л байна. Бүгд ямар нэг стресс, асуудалтай байгаа. Янз бүрээр л хэлэгдсэн. Энэ бол урлагийн нэг төрөл. Бид урлагийг хошин шог, жүжиг гэх мэтээр төсөөлдөг. Урлаг олон янз байдаг. Тэрний л нэг төрөл байсан. Фэйсбүүк ч гэсэн тайз л байхгүй юу. Бид фэйсбүүк дотор амьдрах биш зүгээр ашиглаж хэрэглэх хэрэгтэй. Миний хувьд фэйсбүүкийг хэрэглээний төдий ашигладаг. 2018 онд Чингисхаан нэрийг авснаас хойш хоёр жилийн хугацаанд ёстой жинхэнэ галзуу, солиотойгоороо дуудуулаад, янз бүрээр хэлүүлээд явж байна. Гэхдээ энэ нэрийг авснаас хойш надад маш их өөрчлөлт гарсан. Эзэн хичээвэл заяа хичээнэ гэдэг шиг Чингисхаан шигээ хариуцлагатай байя гэж их хичээсэн. Гэхдээ сайн юмны хажуугаар саар мундахгүй гэдэг шиг жаахан алдаа гаргангуут тэр нь сошиалд сэвэгдээд явчихдаг сул талууд байна.
-Тэгвэл олонд танигдах зорилго чинь биелсэн гэж ойлгож болох уу?
-Зорилго биелээгүй. Дөнгөж эхэлж байна. Чингисхаан гэдэг бол цол хэргэм. Миний хувьд 2033 он гэхэд Чингисхаан болно гэж боддог. Одоо бол би Баасанжаргал. Гэхдээ сайн зүйл, агуу үйлс хийгээд, дэлхий даяар нэр алдараа дуурсгаж чадах юм бол албан ёсоор хүмүүс намайг хүлээн зөвшөөрөх байх. Бид Кембридж, Харвардын боловсрол яриад байдаг. Айлаас эрэхээр авдраа нээ гэж бидэнд өөрсдөд маань монгол боловсрол, монгол ухаан гээд асар үнэт зүйл байдаг юм байна гэдгийг ойлгож мэдсэн.
