Эмоци продакшны жүжигчин Цогтоогийн кареер тасралтгүй өсөж яваа мундаг жүжигчин гэж хэлэхэд болно. Тэрбээр 3-р ангиасаа л жүжигчин болно гэж боддог байсан ба тухайн үед “Гэрэлтэй цонх” нэвтрүүлэг оройн мэдээний дараа шөнийн яг 11 цагт гардаг байсан гэдэг. Хуучны дурсамжийнхаа тухай ийнхүү ярьж байв.
“Гэрэлтэй цонх” нэвтрүүлэгт 5 юмуу 10 минутын богино хэмжээний хошин номерууд гардаг байсан юм. Тэр богинохон хэсгийг үзчихээд v.x.m.элээ инээгээд унтдаг байсан. Үүнээс болоод хүмүүст орой болгон аз жаргал бэлэглэсэн, хүний сэтгэл хөдлөлийг хамгийн дээд цэгт нь хүргэдэг жүжигчний мэргэжлийг сонгосон юм. Удалгүй жүжгийн дугуйланд хамрагдаж хошин урлагийн жүжиг зэрэгт их сонирхолтой идэвхитэй оролцдог хүүхэд байсан.
Дархан хотоос Улаанбаатар хотод ирж кино урлагийн дээд сургуульд орохдоо жүжгийн дугуйлангийн багын найз “Фантастик” продакшны жүжигчин Одбаяртай хамт нэг ангид орж байлаа. Бидний оюутан нас адал явдал, хөгжилтэй зүйлсээр дүүрэн байсан. Гэхдээ хамгийн эвгүй санаанаас гардаггүй нэг явдал нь бид хоёр нэг удаа сонгодог жүжгийн уралдаанд Ромео, Жулетаг гомо болгож хийж байсан юм. Би гайгүй эрэгтэй Ромеогийн дүрд тоглосон, Жулетад манай Одбаяр тоглосон.
Тухайн үед бид хоёр жүжгээ шөнөжингөө нойргүй бэлдэж байснаа санадаг юм. Маргааш нь уралдаан ч болж хүмүүс бидний жүжгийг уйлж үзэх ёстойгоор төсөөлж байлаа л даа. Гэтэл бид хоёрыг дөнгөж гарч ирээд жүжиглээд эхэлтэл үзэгчид тэр чигээрээ савж унаад бид хоёрын уянгын хэсэг тоглох үзэгдэл маань ч эвгүй байдалд орж гүрийсээр байгаад л дуусгасан даа. Тухайн үедээ эвгүй байсан ч одоо бодоход нандин дурсамж болж үлдсэн санагддаг юм.
Жүжиг тавихын өмнөх орой нь “Би сургуулийнхаа тайзан дээр тааз ширтэн хэвтэж байхдаа шилдэг эрэгтэй дүрийг нь би авна, шилдэг эмэгтэй дүрийг нь түүхэндээ анх удаа миний найз Одбаяр авна, энэ бол байж боломгүй гайхамшигтай үйл явдал болно гэж бодоод л хөөрчихсөн нойргүй хонож байснаа тод санаж байна. /Инээв/ Сургуулиа хэдийн төгсчихсөн байдаг. Ажил олддоггүй “Ёстой нэг хог шиг л” санагдаж байлаа. Гудамж метрлээд лааз өшиглөөд л явж байсан. Оюутан байхдаа зөөгч хийдэг байсан юм. Энэ ажлаа хэсэг үргэлжлүүлж хийсэн. Харин Жижгээ ах нэг өдөр намайг “Маск” продакшнд оруулна гэж дуудаад очтол тэр үед “Маск” намайг аваагүй.
Шалтгаан нь “Маск” продакшн залуу жүжигчин авах боломжгүй гэсэн учир би хасагдсан. Түүнээс хойш ажил ч олдохгүй нэг үе хэцүүхэн л байсан. Дараа нь “Эко” телевизд киноны дуу оруулагчаар сар дагалдан хийж ажилд орсон. Хүүхэд насны дурсамж агуулсан, өөрийнхөө үзэх дуртай олон кинонд дуу оруулж байлаа. Энэ мэргэжилдээ дурлаж, закадрын жүжигчний мэргэжлийн гоё сайхныг ойлгож байтал орон тооны цомхотголд орж ажлаасаа халагдсан юм.
Үүний дараа дахиад л миний амьдрал нурсан. Тухайн үед би дотуур байранд л амьдардаг байлаа. Харин ямар нэгэн аз тохиолоор “Эмоци” продакшн байуулагдаж тэнд ажиллах боломж олдсон. “Эмоци” продакшнд орсноор миний цаашдын уран бүтээлийн гараа эхэлсэн. Тэндээс би ах эгч нараасаа их зүйлийг сурч мэдэж авсан. Одоо хүртэл суралцсаар байна. Улирлын тоглолтууддаа идэвхитэй оролцдог. 21 аймгаар гурван удаа тойрсон, гадагшаа аялан тоглолтоор ч их явна даа. Ер нь жүжигчин хүн байнгын толгой сийрэг, юманд сэргэг хандахгүй л бол болдоггүй. Тийм учир энэ салбар жүжигчин хүнээс маш их зүйл шаарддаг.” хэмээн ярьж байв.
Залуу жүжигчин Цогтоо өөрийн цахим хуудаснаа гэр бүлтэйгээ авхуулсан зургаа хавсаргаж “Эрхэт, Гэрэлт 2 хүүгийн маань Эрдмийн баяр нь боллоо.” хэмээн нийтэлсэн байв.
Уг постны дор УИХ-ЫН ДАРГА Г.ЗАНДАНШАТАР өөрийн үзэл бодлоо ийнхүү илэрхийлсэн байх юм.
Тэрбээр: “2 хүүтэй аав хүн бна уран бүтээлдээ ха раал битгий хэлж байгаарай. Уран бүтээлч хүн соёлоор гэгээрүүлэх болохоос муу муухайг дэлгэрүүлэх ёсгүй юм шүү” гэв.
Энерги дүүрэн аз жаргалтай гэр бүлийн зурган доор шүлсээ үсчүүлж муулах нь зөв үйлдэл үү Зандка даргаа?
