“ХИТ” хөгжим мэдээллийн хөтөлбөрийн хөтлөгч Д.Давааням агсны гавьяаг телевизийн төдийгүй урлагийн салбарт ажиллаж байсан хүмүүс мартаж яахaн болох билээ. Түүний ачаар дуучид олонд танигдаж, түүний ачаар хөгжмийн нэвтрүүлгүүд өөрсдийн гэсэн чиг баримжaaтай болсон гэхэд хилсдэхгүй.
Давааням агсны хүү Даваадоржийг хүмүүс андахгүй таньдаг. Сүүлийн үед сошиал орчинд хамгийн сайн аав гэдгээр тодроод байгаа. Хүний амьдралын утга учир аз жаргал нь үр хүүхэд гэдгийг илүүтэй мэдэрсэн мундаг залуу. Тэрээр анхны охиноо өлгийдөн аваад багагүй хугацааг өнгөрүүлсэн. Жүжигчин Ч.Ундралтай дэр нэгтгэж, түүнээсээ хамгийн том бурхны бэлгийг хүлээж авсан Давка тун ч халамжтай нөхөр гэнэ лээ.
Хувийн амьдралаа ихэд нууцалдаг Д.Даваадорж саяхан “Зэвүүн яриа” ток шоунд орж хувийн амьдралаа ний нуугүй ярьжээ. Тэрээр “Би ам бүл тавуулаа амьдардаг. Миний гэр бүлийн хүнийг Ч.Ундрал гэдэг.
Том хүүг маань Хабул, охиныг минь Дагийна гэдэг. Бид бас мууртайгаа амьдарч байгаа. Ундралтай учраад 6 жил гаран болж байна. Би олон талаасаа нээлттэй байдаг ч гэр бүлийнхээ амьдралыг нээхийг хүсдэггүй. Учир нь хүмүүс зөв талаас нь биш буруу тийш нь эргүүлж ярьдаг учраас. Охиноо төрснөөс хойш харин нээлттэй байгаа.
Надад ийм хөөрхөн охин төрүүлэн бэлэглэж, эцэг хүний жаргалыг мэдрүүлсэн ханьдаа маш их баярладаг. Намайг өдий зэрэгтэй байхад их нөлөө үзүүлсэн хүн шүү дээ. Аавыгаа алдсанаас хойш хүний амьдралын үздэг бүхнийг л тууллаа. Цаашдаа ч туулах байх. Би хувь тавиланд маш их итгэдэг. Анх ажлын шугамаар танилцсан. Бид энэ хооронд амаргүйг тууллаа. Ундрал маань намайг сэтгэл зүйн хувьд үнэхээр уургалсан. Намайг зөв чиглүүлж өгсөн.
Миний хань надаас илүү олонд танигдсан хүн. Түүнээс Ундралын нөхөр гэх сонин биш. Би дагуулж л амьдарч яваа эр хүн. Юу гэж хэлэгдэж байгаа нь чухал биш, яаж амьдарч байгаа нь чухал. Нас надад асуудал бишээ. Хэн нэгэн эр хүн бүсгүйгээ бие давхар болговол хариуцлагаа үүрээд хамт амьдрах хэрэгтэй. Хүн хайраар л дутдаг. Үр хүүхэд хайраар дутахгүй бялхаж амьдрах нь амьдралын энгийн дүрэм” гэжээ.
Тэрээр аавынхаа талаар өөрийн цахим хуудаснаа ийн дурсан бичжээ. “Намайг сайн аав байгаад баярлалаа гэж олон хүн бичих боллоо. Би өөрөө аавтайгаа ойр өсөөгүй. Бага байхдаа аавтайгаа хамт байгаа хүүхдүүд хараад цагаан атаархал төрдөг л байлаа. Тиймээс хүүхэдтэй болвол хэзээ ч ганцаардуулахгүй гэж өөртөө амалсан юм.
Яахав дурлал, хайр, шохоорхлоо я лга хгүй нялх үрсээ битгий гомдоогоорой. Ялихгүй юмнаас болж битгий салаарай. Таван минутын зугаанаас болж чамайг гэсэн үрээ битгий гомдоогоорой.
Энэ нийгэмд би сайн аав шиг харагдаж байгаа нь харамсмaaр – аав байх чинь уг нь зүгээр л чиний үүрэг шүүдээ” гэв. Түүнийг хүмүүжилтэй, хариуцлагатай сайн өсгөсөн хүн бол түүний ээж Чимгээ гэнэ.
