УИX-ын Боловсрол, соёл, шинжлэх ухаан, спортын байнгын хорооны өчигдрийн хуралдаанаар Монголоо мандуулъя аяны уриалга дор хийгдэж буй Нийгмийг соён гэгээрүүлэхэд шинжлэх ухааны үүрэг оролцоо, шийдэл гарц сэдэвт эрдэм шинжилгээний хурал зохион байгуулав.
Энэ үеэр УИХ-ын гишүүн Б.Жаргалмаа Монголоо мандуулъя сэдвийн хүрээнд байр сууриа илэрхийлсэн нь олны анхаарлыг нилээдгүй татсан билээ.
Тэрбээр хэлэхдээ Спортын чиглэлд ямар ажил хийж байгаа вэ. Өнөөдөр Спортын төв ордон yнaх хэмжээнд хүрсэн байна. Тамирчдад зориулсан байрыг бэлэглэлийн гэрээгээр нэг нь нөгөөдөө өгчихсөн. Энэ асуудал шийдэгдээгүй байгаа. Биеийн тамир спортын улсын хороо ажлаа хийж чадахгүй бол Боловсрол, шинжлэх ухааны яамны харьяанд өгвөл яасан юм.
Монголоо мандуулъя гэж байна. Тэгвэл хэн өнөөдөр монголоо мандуулж байна. Тамирчид л мандуулж байна. Монголоо мандуулж байгаа тамирчдын төлөө ямар ч ажил хийгдэхгүй байна.
Бид монголоо авч үлдэхийн тулд яах ёстой билээ. Ингэхийн тулд зөөлөн xүчний бoдлого бидэнд хэрэгтэй. Гэтэл гадаад улсын Элчин сайдын яам өөрийнхөө дэргэд бүхэл бүтэн студи ажиллуулаад өөрийн кино, контентуудаа орчуулан, монголын уран бүтээлчдээр дуу оруулуулаад, телевизүүдээр дамжуулж байна.
Өнөөдөр яагаад охид Black pink, BTS-ийг яриад монголын язгуур урлаг, бие биелгээгээ ярихгүй байгаа юм. Яагаад Алтайн магтаал ийм учиртай юм гэдэг контент хийхгүй байгаа юм.
Даяаршиж буй нийгэмд монголоо авч үлдэх ёстой гэдэг ч яагаад энэ тал дээр алдаад байна вэ? хэмээсэн юм.
Тэгвэл энэ талаар мэдээллийн isee.mn сайтын бэлтгэсэн залуусийн үзэл бодол энэ тал дээр ямар өнцөгөөс дүгнэж харж буй эсэх талаарх контентийг хүргэж байна.
.
Залуус “биелэгээ, Алтайн магтаал биш BTS шиг хамтлаг Монголыг МАНДУУЛНА” гэв
Засгийн бүх эрх ард түмний мэдэлд байна. Иргэн энэ эрхээ эдлэхдээ “төлөөлөгчөөрөө” дамжуулж эдэлж болно гэсэн Үндсэн хуулийн заалт бий. Харин өнөөдөр сонгогчийн боловсрол муу болоод тэрүү эвсэл өөр хүчин зүйл нөлөөлдөг үү, иргэдийг төлөөлж төр түшиж байгаа эрхмүүд “Үндэсний бөхийн аварга, телевизийн мэдээний хөтлөгч, бизнесийн бүлэглэлийн төлөөлөл” гээд “үлгэрийн баатрууд” гэж хошигнож болох эрхмүүд залуус биднийг төлөөлж, улсын бодлого гаргаж байна.
ВИДЕО:
Тэгвэл СХД-ийн иргэдийн төлөөлж УИХ-д сууж байгаа телевизийн мэдээний хөтлөгч асан эмэгтэй залуус “цаг хугацаа орон зайнаас үл хамаарч” мэдээллийг олж мэддэг болсон гэдгийг мэддэггүй бололтой. Учир нь тэрээр “бүх охидууд маань Pink, Bts гээд яриад байна” гэх асуудлыг дэвшүүлсэн нь залуусын дунд нэлээдгүй шүүмжлэлийг дагуулав.
Яагаад залуус ярьж болохгүй гэж гэх асуудал ч хөндөгдөв. Үйлдвэрлэл гэхээр “эсгий таавчиг”, урлаг соёл гэхээр л “нийтийн бүжиг” гэж төсөөлж болохгүй гэв.
Орчин үеийн охид залуус бие биелгээ Монголыг мандуулах гэхээс илүүтэй BTS, Blackpink зэрэг хамтлагууд дэлхийд мандах талаар ярьж байна. Гэтэл эдгээр залуусын төлөөлөл болж, УИХ-д гарсан эрхмүүд ардын бие биелгээ, язгуур урлагийг харуулах хуучин контентуудай хийсээр үзүүлэх гэж улайрахын оронд бид дэлхийгээс суралцах олон аргыг сурах хэрэгтэй байгаагийн том жишээ энэхүү жишээ нь дээр тод харагдав. BTS хамтлагийн хувьд гэхэд 2020 оны байдлаар Солонгосын эдийн засагт Хьюндай, Самсунгтай зэрэгцэхүйц улсынхаа эдийн засагт хувь нэмэр оруулдаг. Тэдний амжилт ганц үүгээр ч зогсохгүй гэдгийг хүн бүр мэдэж байна.
М.Маралмичид
isee.mn
