Жүжигчин Г.Ундармааг сайн үйлс хийдгээр нь хүмүүс сайн мэднэ. Харин түүний хувийн амьдралын талаарх мэдээлэл олон нийтэд тийм ч ил биш.
Түүний охин Г.Бэрцэцэгийг энэ удаа онцолъё. ‘U 몭lm’-ийн бүтээл ‘Амьдралоги’ хэмээх романтик, инээдмийн уран сайхны киноны туслах дүрд тоглож ирээдүйтэй жүжигчин болох нь гэсэн үнэлгээг мэргэжилтнүүдээс авсан.
Жүжигчин Г.Ундармаа охиндоо хандаж энэ захидалыг охиндоо бичжээ. “Найз залуугийнхаа гэрт очиж хоновол охин үр минь чи юуг ч битгий хийгээрэй. Тэд чамайг минь хүндлэх учиртай. Чамайг минь дайлж хамаг бүхнээ барьж дээдлэх учиртай. Охин үр минь өгсөн хоолыг нь амтархан идчээд талархаарай.
Зочиноороо аяга тавагаа угаалгадаг айлд ээж нь охиноо бэр болгож өгөхгүй. Учир нь охин минь ширээнээс нь талархаад л босоорой. Гэртэй хонуулчаад өглөө нь босоод чамаар минь цай бэлдүүлэх гэвэл охин минь гүйгээд гараад ирээрэй. Зочноороо цай бэлдүүлдэг, охин минь хийх ёстой юм шиг ойлгодог айлд охиноо бэр болгож өгөхгүй ээ.
Миний охин айлд анх очвол юуг ч битгий хийгээрэй. Ихэмсэг агаад ялдам байгаарай. Охиноо ээж нь хангалттай гэрийн ажилд сургаж өсгөсөн учир чамайг минь хэн ч шүүх эрхгүй. Айлын хүн болоод харин хадмуудаа хоол ундаар битгий таслаарай охин үр минь… гэсэн байна.
.
.
Л.Оюун-Эрдэнэ: Тэнгэрлэг Монголын залуу иргэн Та хязгааргүй өндөрт дүүлэн нисээрэй
/2021.11.26/ Монгол Улсын Ерөнхий сайдын ивээл дор жил бүр зохион байгуулдаг “Монгол Улсын Иргэний андгай өргөх ёслол”-ыг арвандүгээр сарын 26-ны өдөр буюу анхдугаар Үндсэн хуулиа батлаж, тусгаар тогтносон Монгол Улсаа дэлхийд зарласан 97 жилийн ойн түүхэн өдөр Төрийн ордонд зохион байгууллаа.
“Монгол Улсын иргэний андгай өргөх ёслол”-ыг орон даяар нэгэн зэрэг зохион байгуулж тухайн жилд 16 нас хүрч буй хүүхдүүдэд иргэний үнэмлэхийг нь гардуулдаг уламжлалтай. Энэ жил улсын хэмжээнд 43,166 хүүхэд 16 нас хүрч байгаа аж. Тэдний төлөөлөл зарим хүүхдэд Ерөнхий сайд Л.Оюун-Эрдэнэ Монгол Улсын иргэний үнэмлэх, батламжийг гардуулан өглөө.
Иргэний үнэмлэхээ гардан авсан сурагчид “Эртний их түүхт Их Монгол Улсын ирээдүй хойч Монгол Улсын иргэн би Монгол төрийнхөө сүр хүчийг сүлдлэн дээдэлж, Монгол Улсынхаа тусгаар тогтнолыг батлан хамгаалж, Монгол иргэнийхээ нэр төрийг өндөрт өргөн бүрэн эрхт ард түмнийхээ итгэлийг даан их түүх, эрх чөлөөний эзэн нь байж эх орон газар нутгаа хайрлан хамгаалж их соёл, зан заншлаа өвлөн дэлгэрүүлж, энх тайван, амар амгаланг эрхэмлэн дээдэлж, Их Засаг хууль ёсыг чандлан сахиж, үнэнч, шударга, цэвэр ариун, оюун төгс, хөдөлмөрч, хичээнгүй, иргэн байхаа их төрийнхөө дор андгайлж байна. Төрийн минь сүлд өршөөг” хэмээн андгай өргөв.
Ерөнхий сайд Л.Оюун-Эрдэнэ Монгол Улсын түүхэнд онцгой энэ өдөр андгай өргөж буй 16 настай бүх сурагч, хүүхдүүдэд баяр хүргэж амжилт хүслээ. Андгай өргөх ёслолын ач холбогдлыг түүх, соёл, өв уламжлалаараа бахархдаг, Монгол гэсэн бүхнээ эрхэмлэн дээдэлсэн, эх оронч сэтгэлтэй, хариуцлагатай, дараагийн шинэ залуу иргэнээ Монгол Улс хүлээж авч буй явдал хэмээн тодорхойлсон. Ирээдүйд хэн болж, нийгэмдээ юу бүтээх вэ гэдгээ иргэний үнэмлэх авсан хүүхэд бүхэн энэ цаг мөчөөс эхлэн бодож, төлөвлөөрэй гэж зөвлөв.
Тэрбээр “Өнгөрснөө мэдэх тусам ирээдүй улам тодордог. Монголын онцлог бүрийг, түүх бүхнийг уншиж судлаарай. Зөвхөн төр, засаг хөгжлийн төлөө явдаг биш хүн бүхэн хөгжлийн төлөө урагшилдаг Монголын нийгмийг та бүхэн бүтээх учиртай. Бүргэд өндөрт нисэхдээ илүү алсыг хардаг гэдэг. Тэнгэрлэг Монголын залуу иргэн Та хязгааргүй өндөрт дүүлэн нисээрэй” хэмээв.
