Хууль зүй дотоод хэргийн сайд Х.Нямбаатар 25 дугаар суваг телевизийн “Ам нээвэл” ярилцлагын үеэр Боксын холбоо болон Э.Цэндбаатартай холбоотой асуудлын талаар дурджээ.
Тэрбээр “Э.Цэндбаатарыг олимпын наадамд оролцохоос ч өмнө үндэсний шигшээ багаас хассан юм билээ. Хурал болоод хамтдаа хоол идэн 18.30 цагт тарцгаасан. Ви.но ч байгаагүй, пи.во ч байгаагүй.
Удирдах зөвлөлийн гишүүдийн зүгээс энэ бол нэг удаагийн бус, хэд хэдэн асуудал учраас сахилга оногдуулах ёстой гэсэн шийдвэрийг УЗ-ийн 19 гишүүн дэмжиж ДАШТ-нд оролцох эрхийг нь хассан.
Э.Цэндбаатарын зо.доо.ны бүтэн бичлэгийг би үзсэн. Өөрийг нь цо.хи.дог нөхрийг Э.Цэндбаатар эхлээд цох.иж унагаасан юм билээ. Цохиул.сан нөхөр эргээд Э.Цэндбаатарыг цохи.ход уна.сан байсан. Гэхдээ дуутай бичлэгийг үзэхэд ухаан ал.даагүй “хүрээд ир” гэсэн агуулгатай үг хэлсэн байна лээ.
Хүн бүрт ямар нэгэн хобби байх эрхтэй байх. Би багаасаа боксын үнэнч хөгжөөн дэмжигч байсаар ирсэн. Миний “нусан” багын найзууд энэ спортод өөрсдийгөө зориулсан. Бусад улс орнуудад ч Хууль зүй дотоод хэргийн сайд нар нь боксын холбоог ахалж явдаг жишиг байдаг” гэжээ.
Тээврийн хэрэгслийн торгууль төлөх хугацаа өнөөдөр дуусна
Одоогоос дөрвөн жилийн өмнө буюу 2017 оны долдугаар сарын 1-нээс энэ оны зургадугаар сарын 25-ны 00:00 цаг хүртэлх хугацаанд оногдуулсан торгуультай бол ирэх сарын 1-ний дотор 50 хувийг нь төлснөөр үлдсэн 50 хувь нь өршөөгдөх боломжтой.
Цагдаагийн байгууллагаас энэ оны долдугаар сарын 6-наас хойш нийт 40300 жолоочийн эрх, 8800 жолоочийн оноог сэргээжээ.
Иргэн Та www.smartcar.mn болон www.toruuli.police.gov.mn сайтуудад хандан, өөрийн тээврийн хэрэгслийн дугаарыг оруулан, Зөрчлийн тухай хуулиар бэлэн бус хэлбэрээр оногдуулсан торгууль байгаа эсэхийг шалгах боломжтой.
Нийслэлийн Мэдээлэл, технологийн газраас хариуцан хөгжүүлдэг Тээврийн хэрэгслийн цахим үйлчилгээний https://smartcar.mn системээр иргэд тээврийн хэрэгслийн татвар торгуулиа идэвхтэй төлж байгаа аж.
Өнөөдрийн байдлаар тус системд иргэд 30647 удаа ханджээ. Системд хандаж байгаа иргэдийн тоо эрс нэмэгдэж, системийн ачаалал ихэссэн байна. Иймээс Нийслэлийн Мэдээлэл технологийн газраас https://smartcar.mn системтэй холбоотой иргэдээс ирсэн дуудлага, хүсэлтүүдийг хүлээн авч шуурхай шийдвэрлэн, системийн хэвийн ажиллагааг хангах, хурд, хүчин чадлыг нэмэгдүүлэх, нэмэлт сайжруулалтын ажлыг Үндэсний дата төв УТҮГ-тай хамтран хэрэгжүүлж байгаа аж. Иргэн та дараах төлбөрийн шийдлийг ашиглан татвар, торгуулиа төлөх боломжтой.
Үүнд:
- -E-mongolia.mn цахим хуудас
- -“Smartcar” аппликэйшн, Smartcar.mn цахим хуудас
- -Egolomt.mn системийн “Интернэт банк”-аар, “Golomt bank” аппликэйшн, “SocilalPay” аппликэйшнээр, “Голомт” банкны салбар дээр биеэр очиж төлбөр төлөх
- -“Гялс банк” аппликэйшн, Statebank.mn сайтын “Гялс цахим банк”-аар, мөн Төрийн банкны салбар дээр биеэр очиж төлбөр төлөх
- –“Gerege” аппликэйшнээр, “Гэрэгэ киоск” машинаар дамжуулан биеэр очиж төлбөр төлөх
- -Худалдаа хөгжлийн банкны салбар төвүүдээр өөрийн биеэр очиж төлбөр төлөх боломжтой юм.
