Өчигдөр яаралтай шатахуун татах асуудлаар ОХУ-ын талтай хэлэлцээр хийхээр төр, хувийн хэвшлийн төлөөлөл бүхий баг гарч, тус улс руу ниссэн. Тэд өнөөдөр “Роснефть” компанитай уулзаж, энэ сард 10 мянга, ирэх сард 45 мянган тонн АИ-92 шатахуун татах авах хэлэлцээнд хүрчээ.
Уг уулзалтад оролцсон манай талын багийн бүрэлдэхүүнийг танилцуулъя.
- УУХҮЯ-ны Газрын тосны бодлогын газрын дарга Б.Анхбаяр
- АМГТГ-ын Газрын тосны бүтээгдэхүүний хэлтсийн дарга Н.Энхцогт
- Монголын газрын тосны бүтээгдэхүүн импортлогчдын мэргэжлийн холбооны тэргүүн, “Шунхлай” ХХК-ийн Гүйцэтгэх захирал Ж.Мөнхнаран
- Монголын нефть хийн Үндэсний ассоциацын тэргүүн, “Магнай трейд” ХХК-ийн Гүйцэтгэх захирал Д.Алтан-Очир
- “Петровис Ойл” ХХК-ийн Гүйцэтгэх захирал О.Содбилэг
- “Содмонгол групп” ХХК-ийн Тээвэр, ложистик хариуцсан захирал Н.Ангар
- “Тэс петролиум” ХХК-ийн Гүйцэтгэх захирал Ц.Майдар
- “НИК” ХХК-ийн Гүйцэтгэх захирал Н.Наранбат
- “НИК” ХХЗ-ийн импорт, гадаад худалдаа хариуцсан захирал О.Билгүүн
- “Лекс ойл” ХХК-ийн Гүйцэтгэх захирал Э.Индра
- “Роснефть Монголия” ХХК-ийн Гүйцэтгэх захирал Д.Ганбаатар
- “Роснефть Монголия” ХХК-ийн менежер Б.Эрдэнэбаатар
М.ТЭНГИС
Петровис: Зөвхөн эмнэлэг, цагдаа, онцгойгийн албан хаагчдад шатахуун өгөхөө мэдэгдэв
Петровис Групп шатахууны хомсдолтой холбоотой мэдэгдэл гаргалаа.
“2021 оны наймдугаар сараас эхлэн хоёр сарын хугацаанд шатахуун нийлүүлэгч ОХУ-ын талаас үйлдвэрийн урсгал засвар хийж, засвар нь удааршинтай холбоотой захиалсан шатахууныг төлөвлөсөн ёсоор нийлээлгүй. Үүнтэй холбоотойгоор бид бүхэн ОХУ-ын нефть боловсруулах үйлдвэрээс шатахуун худалдан аваллтан захиалгынхаа талаас бага хувийг нь хилээр оруулж ирээд байгаа юм. ОХУ-ын зүгээс ирэх аравдугаар сард үйл ажиллагаа хэвийн болж захиалгаа нийлүүлж эхлэхээ мэдэгдсэн.
БНХАУ-ын үйлдвэрүүдээс шатахуун захилсан боловч төмөр замын ачаа тээврийн зохицуулалтаас болоод нийлүүлэлт маш их удаашралтай байна. Бид бүхэн одоо байгаа нөөц шатахуунаа хүртээмжтэй хүргэхэд анхаарч байна. Хязгаарлалт үүсэж, хэрэглэгчийн бухимдал үүссэнтэй холбоотойгоор станцын түгээгч нартай бүдүүлэг харьцах, дарамтлах, машинаар шүргэх явдалд гарсанд бид гүнээ харамсаж, 2000 гаруй ажилтныхаа эрүүл мэнд, аюулгүй байдалд санаа зовинож байна” гэж мэдэгдэлдээ дурджээ.
Шуурхай: Засгийн газар шатахууны асуудлаар ээлжит бусаар хуралдаж байна
Монгол Улсын Засгийн газар шатахууны асуудлаар ээлжит бус хурал зарлажээ.
Одоогийн байдлаар зарим шатахуун түгээх станц АИ-92 болон АИ-95 автобензиныг олгож байгаа ч гишүүнчлэлийн карт болон талонд үндэслэн олгож байгаагаас урт дараалал үүсээд байгаа юм.
Өчигдөр Засгийн газрын ээлжит хуралдаан болж, 10 гаруй асуудлыг хэлэлцэж, танилцуулсан. Засгийн газрын гаргасан шийдвэрийн талаар ЗГХМОНХГ-ын ажилтан О.Бямбагэрэл “Даваа гарагт Ерөнхий сайд Л.Оюун-Эрдэнэ Гашуунсухайтын хилийн боомтод ажилласан. Тиймээс Засгийн газрын хуралдаанаар Гашуунсухайт боомт дахь асуудлыг шийдвэрлэхээр болсон. Тодруулбал, тус боомтод нэмэлтээр PCR төхөөрөмж бүхий лаборатори байгуулна.Тус зардлыг Засгийн газрын нөөц сангаас гаргана.
Мөн шатахууны хомсдолтой холбоотой асуудлыг УУХҮ-ийн сайд танилцуулсан. Үүнтэй холбоотойгоор шатахууны нөөц хомсдоход нөлөөлсөн байж болзошгүй албан тушаалтанд хариуцлага тооцохыг Ерөнхий сайд үүрэг болгосон” гэсэн.
Мөн Уул уурхай, хүнд үйлдвэрлэлийн сайд Г.Ёндон “Роснефть” компаниас сар бүр 28 мянган тонн бензин авах ёстой. Гэвч тэд 17 мянган тонныг нийлүүлэх боломжтой гэсэн тул БНХАУ-аас 43 мянган тонн шатахуун авах захиалга өгсөн. ОХУ-аас 17 мянган тонн шатахуун ирнэ гэж тооцсон ч энэ сард 7500 тонныг нийлүүлсэн. Үлдэгдлийг ирэх сарын 1-н хүртэл нийлүүлэх боломжгүй гэсэн юм. Мөн БНХАУ-ын талаас Хөх хотын боловсруулах үйлдвэрээс манай улсад бензин нийлүүлэх боломжгүй гэсэн. Тиймээс найм хоногийн турш шатахууныг хязгаартай худалдах боллоо.
Бээжинд суугаа Элчин сайд нот бичиг өгч, холбогдох хүмүүстэй уулзаж байна. Тус улсад сүүлийн хоёр хоног амралтын өдрүүд байв. Зам тээврийн яам, ГХЯ энэ асуудлыг шийдэхээр ажиллаж байна. Хөх хотоос Жинин боомтод саатаж, Замын-Үүдээр дамжин шатахуун ачсан галт тэрэг орж ирнэ. Тээврийг аль болох хурдан хийхээр ажиллаж байна. Учир нь хоёр галт тэрэгнээс нөгөө рүү нь ачна, агуулахад буулгасны дараа аж ахуйн нэгжүүд авах гээд олон шат дамжлага бий. Манай арми, ОБЕГ өөрийн нөөцтэй. Бүх хэрэглэгчид жигд хүртээхийн тулд бид хязгаарлалт тавьж байна. Ерөнхий сайд даалгасны дагуу бид буруутай гэж үзсэн албан тушаалтанд арга хэмжээ авна. Мэдээллээ боловсруулаагүй юу, ажилдаа хайнга хандсан уу гэдгийг тогтооно” гэсэн юм.
