Токио 2020 зуны олимпид оролцож, амжилт үзүүлсэн тамирчид өчигдөр эх орондоо ирсэн. Энэ үеэр олимпийн наадмаас мөнгөн медаль хүртсэн Монгол Улсын иргэн Саид Моллайг хэн ч тосоогүй, сэтгүүлчид түүнээс ярилцлага аваагүй гэсэн шүүмжлэл өрнөсөн юм.
Тэгвэл Саид Моллай болон түүний дасгалжуулагчийг нэгэн эмэгтэй урьж, тэдэнд хүндэтгэл үзүүлжээ. Тэрээр энэ тухайгаа өөрийн цахим хуудастаа, “Монгол Моллаеидаа баярлалаа. Монгол ээжүүдийн өмнөөс талархлаа илэрхийллээ.
Өчигдөр тойрч гүйлдээд, Торойгоод үлдсэнийг нь хараад сэтгэл гонсойсон юм. Монголын минь нэрийг ертөнцийн чихнээ дуурсгасан Монгол Моломдоо баярлалаа.
Бид нэг л алтан нарны дор хэл ус ёс заншил өөрч нэг л зүйлийг хүсдгийг дэлхийд таниулж Монгол гэсэн нэрийг цуурайтуулсанд баярлалаа. Монголын минь нэрийг дэлхийд цуурайтуулах сайхан хүү төрүүлж өсгөсөн. Моллаеин ижийд талархая. Бэлтгэл сургуулилтыг нь хангах гэж дагаж ирсэн багшид баярлалаа. Ресепшин дээр орхиод явах гэж байсан юм, тэгсэн харин яг гарч таарлаа” гэжээ.
Өнөөдөр Ховд аймагт 128 бөх барилдаж наадам болж байна
Монголын үндэсний бөхийн холбооны зүгээс наймдугаар сард задгай талбайд зохион байгуулагдах тэмцээнүүдийн хуваарийг гаргалаа.
1. Хүй Долоон худагт улс, аймгийн алдар цолтой бөхийн барилдаан – Наймдугаар сарын 16-наас 17-ны өдрүүдэд
2. Монголын Залуучуудын Холбооны 100 жилийн ойд зориулсан улс, аймгийн алдар цолтой 128 бөхийн барилдаан – Наймдугаар сарын 21-нээс 22-ны өдрүүдэд
3. Сонгинохайрхан дүүрэгт шилдэг сумын заан цолтой 64 бөхийн барилдаан – Наймдугаар сарын 28-ны өдөр
Засгийн газрын өгсөн чиглэл, УОК-ын шийдвэрээр гадаа талбайн спортын арга хэмжээ, тэмцээн уралдааныг үзэгчгүй, хал.двар хамгааллын дэглэм дор, холбогдох хүмүүсийн зөвшөөрлөөр зохион байгуулахаар болсон билээ.
Өнөөдөр Ховд аймагт аймаг, цэргийн цолтой 128 бөхийн барилдаан болж байна. Харин наймдугаар сарын 9-ний өдөр тус аймагт улс, аймаг, цэргийн цолтой болон сумын цолтон, залуу бөхчүүдийн барилдаан болно. Эдгээр барилдаануудад МҮБХ-ны Цэцдийн зөвлөлийн энэ оны хурлаар батлагдсан “Үндэсний бөхийн барилдааны дүрэм”-д орсон өөрчлөлтүүдийн баримтлах аж.
