БНСУ-д зорчих иргэдэд Монгол Улсаас БНСУ-д суугаа Элчин сайдын яамнаас дараах мэдээллийг хүргэж байна.
БНСУ-д зорчих виз авсан зургаагаас дээш насны бүх хүн нислэгт хамрагдахаас 72 цагийн өмнө к.о.в.и.д-19-ийн PCR шинжилгээ өгч, сөрөг хариу гарсан шинжилгээний бичигтэй байна. Шинжилгээний хариуг англи эсвэл солонгос хэл дээр гаргуулсан байх ба гуравдагч орны хэл дээр гарсан тохиолдолд англи эсвэл солонгос хэл рүү орчуулуулсан байна. Шинжилгээний бичиггүй тохиолдолд Солонгосын тал хилээр нэвтрүүлэхээс татгалзах боломжтой.
Хилээр нэвтрэх үед эрүүл мэндийн асуумж, маягт бөглөх ба тусгаарлалтын хоногийн хугацаанд эрүүл мэндийн байдлаа мэдээлэх тусгай апп-ыг хилийн боомтын холбогдох ажилтны тусламжтайгаар гар утсандаа суулгаж, идэвхжүүлнэ.
Тусгаарлах байр, тусгаарлалтаас чөлөөлөх журам
Богино хугацааны визтэй иргэд 14 хоногийн хугацаанд хорио цээрийн албанаас заасан тусгаарлагдах байранд тусгаарлагдана. Тусгаарлалтын төлбөрийг өөрөө хариуцна. Тусгаарлах байрны төлбөр хаана хуваарилагдсанаас шалтгаалан өдрийн нэг хүний 110-150 мянган вон байна. Хэрвээ тодорхой оршин суух хаягтай төрөл садан /нотлох баримт бичгийг орчуулж биедээ авч явах/-ынхаа мэдээллийг өгч, төрөл садан болох хүн нь онгоцны буудалд ирж батлан дааж авч явбал гэрт нь 14 хоногийн хугацаанд тусгаарлагдах боломжтой.
Урт хугацаагаар оршин суух оюутан, байнгын оршин суугч, хөдөлмөрийн гэрээт ажилтан зэрэг визтэй иргэд ганцаар тусгаарлагдах боломжтой, тусгаарлалтын стандарт шаардлага хангасан байрны хаяг мэдүүлж 14 хоногийн хугацаанд гэрээр тусгаарлагдаж болно.
Тухайлсан нэг улсад /2 өөр улсад вакцины I, II тунд хамрагдсаныг тооцохгүй/ ДЭМБ-аас зөвшөөрөл олгосон Pfizer, Janssen, Moderna, Astra Zeneca, Covishield, Sinopharm, Sinovac зэрэг вакцины бүрэнд тунд хамрагдаж хоёр долоо хоногийн хугацаа өнгөрсөн бизнес, эрдэм шинжилгээ судалгаа, хүмүүнлэг /зөвхөн орш.уу.лах ёслолын үйл ажиллагаанд оролцохыг ойлгоно/, БНСУ-д оршин суугаа төрөл садан /эхнэр, нөхөр эсвэл эхнэр нөхрийн гэр бүл/-тайгаа уулзах зорилготой ирж байгаа иргэдийг тусгаарлалтаас чөлөөлж болно.
Тусгаарлалтаас чөлөөлөгдөхийн тулд тухайн иргэн БНСУ-аас Монгол Улсад суугаа ЭСЯ-д холбогдох үндэслэлээ нотлох баримт бичгийг бүрдүүлж хүсэлт гаргана. БНСУ-ын ЭСЯ-аас тусгаарлалтаас чөлөөлөх тухай батламж олгосон тохиолдолд үүнийгээ биедээ авч явж хилээр нэвтрэх үедээ шалгуулна.
Цар тахлын нөхцөл байдлаас шалтгаалан улс орнуудын хорио цээрийн дэглэмд тогтмол өөрчлөлт орж байгаа тул илүү нарийвчилсан мэдээллийг БНСУ-ын ЭСЯ, Хорио цээрийн алба болон ГИХГ-аас авч, нягталж байх шаардлагатайг анхаарна.
Саид Моллай Дэлхийн тавцанд ‘Монгол улс бол хүний эрхийг дээдлэгч орон юм’ гэдгийг чангаар зарлав
2021.07.27-ны өдөр Олимпын хүрэл медальт Саид Моллай: “БИ ЭНЭ МЕДАЛИЙГ МОНГОЛЫН АРД ТҮМЭНД ЗОРИУЛЖ АВСАН”… Тиймээ, энэ бол Монгол гэх дээвэр дор нэгдсэн, Монгол түмний хайрлан бишэрч буй Иран гаралтай Монгол тамирчин Саид Моллайгийн олимпын мөнгөн медалиа дөнгөж гардаж аваад байхдаа хэлсэн үг.
Иран Улсын тамирчин Израилийн тамирчинтай өрсөлдөх хориотой гэх үзлийн дагуу 27 настай Ираны жүдоч Саид Моллай хүний нутагт орог.нож байгаад эх нутгийнхаа иргэншлээс татгалзан Монгол Улсын иргэн болсон цаг саяхан.
Ираны Засгийн газар түүнийг 2019 оны Дэлхийн АШТ-ий шигшээ барилдаанд, тус тэмцээнд түрүүлсэн Израилын Саги Мукитэй барилдуулахгүйн тулд хагас шигшээ барилдаанд албаар ялагдахыг ТУШААСАН. Түүний хариуд Моллай тэмцээн дууссаны дараа Иран руугаа буцаагүй бөгөөд 2019 оны наймдугаар сард Германд очиж, хоёр жилийн дүр.вэг.чийн визтэй орогнож байгаад 2019 оны арванхоёрдугаар сард Монгол Улсын иргэн болсон түүхтэй. Түүнийг Монголын иргэншил хүсэн биднийг зориход Ерөнхийлөгч асан Х.Баттулга хүлээж авч иргэншил олгож байв.
Харин өчигдөр Токиогийн олимпын Жүдо бөхийн төрөлд эрэгтэйчүүдийн 81 кг жинд Саид Моллай мөнгөн медаль хүртэв. Энэхүү үйл явдал нь Монголын нэрийг дэлхийд тодоор гаргаж чадлаа. Энэ хэрээр Монгол түмэн түүний алгаа дэлгэж угтсан шиг ээ, цээж дүүрэн баяраар хүлээж авлаа.
Нэгдүгээрт, Монголын тамирчин олимпын наадмын мөнгөн медаль хүртэж буй нь манай улсын спортын түүхэнд бичигдэх нэгэн том үзүүлэлт юм. Хоёрдугаарт, хүний эрх талаасаа Монгол Улс дэлхийн тавцанд нүүр улайхааргүй хөгжилтэй болохыг харуулж чадлаа. Иргэншлээсээ татгалзсан гадны тамирчныг элэг нэгт ах дүү нарынхаа адилаар улсаа төлөөлүүлэн олимпт оролцох эрхийг нь хангасан явдлыг дэлхий нийт их, бага хэмжээгээр харж байна.
Моллайг 2019 онд Монголын иргэншилтэй болж байх үед өнөөдөр ингэж баярлуулна гэж төсөөлөхгүйгээр Монголчууд бид үйл явдлыг хоёр талаас нь харан хоорондоо мэтгэлцэж суув. Зарим хэсэг нь “Дэлхийн чансааны нэгт бичигдэж байгаа бөх Монголын нэрийн өмнөөс барилдах нь өөрт нь ч, бидэнд ч ашигтай” гэж байсан бол нөгөө талаас “Монголын нэрийг Монгол тамирчид л гаргах ёстой. Гадны шашинтай Иран хүнийг өөрийн нутагтаа иргэншүүлэх нь эрсдэлтэй” гэх байр суурийг дэвшүүлж байсан юм.
Саид Моллай Монгол иргэншилтэй болсон нь Иран, Израиль хоёр орны дундуур Монгол орсон гэхээс илүүтэйгээр хүний эрхийг дээдэлсэн Монгол Улс хэмээгдэж, олимпын наадмын мөнгөн медалиар дамжуулан дэлхийд танигдсан явдал боллоо. Үзэгчгүй цэнгэлдэхэд цор ганц үзэгч нь болж төрийн далбаагаа дүрэм бусаар барьж зогссоноос илүүтэйгээр Саид Моллай том үүрэг гүйцэтгэлээ.
Хэрэв тэр иргэншлээ солих шийдвэр гаргалгүй төрөлх нутагтаа үлдсэн бол тамирчны замналынхаа оргил үед бөхийн дэвжээнээс зодог тайлах, эсвэл дэг.лэм зөр.чсөн хэргээр ца.аз.aap авахуулах хоёр сонголттой үлдээд байсан юм. Моллайтай ижил нөхцөл байдалд орсон Ираны алдарт бөх Навид Афкариг 2020 оны есдүгээр сарын 12-нд тус улсын Засгийн газрын шийдвэрээр цаа.зла.сан байдаг. Тэрбээр цаа.злуу.лахын өмнө, “Би үх.лээс айхгүй байна. Учир нь би гэ.м бур.уугүй” хэмээн хэлсэн гэдэг.
Навид Афкариг цaa.за.ар авах Засгийн газрын шийдвэрийг эсэргүүцэгчид
Иргэншлээ сольсон нь Саид Моллайгийн шийдвэр, хүлээж авсан нь харин Монгол Улсын шийдвэр. Үр дүнд нь бид өнөөдөр дэлхий дахинд улсынхаа нэрийг хүний эрхийг дээдэлдэг орон гэдгээрээ харуулж чадлаа.
Б.Амарбаясгалан
