Мэргэжлийн сүмо бөхийн Нагоя башёгийн сүүлийн 15 дахь өдөр 69 дэх Их аварга Хакүхо М.Даваажаргал озэки Тэрүнофүжи Г.Ган-Эрдэнийг давж 45 дахь удаагаа цом өргөсөн юм. Тэрхүү түүхэн түрүү бол ар халхын их аврага Жигжидийн Мөнхбат аавынхаа дурсгалд зориулсан түрүү байв. Чухамдаа цаашлаад өөрийнх нь энэ улсын иргэн болсоны бас нэгэн утга учир нь гэвээс…
Түүний мөрөөдөл ба түүхэн ач холбогдол: Одоогоос 57 жилийн өмнө буюу 1964 онд Монголчууд Наран улсын Токио хотод зуны олимпийн их наадамд анх удаа оролцсон нь түүхэн эхлэл байв. Тэрхүү олимпид Хакүхо М.Даваажаргалын аав Монголын их аварга Жигжидийн Мөнхбат бээр чөлөөт бөхийн төрөлд оролцож Монгол бөхчүүд дэлхий олимпод хүч шандасаа сорих эхлэлийг тавьж байжээ.
Тэр утгаараа 57 жилийн дараа Наран улсад дахин зохиогдож буй энэ удаагийн олимпод гар бие оролцож олимпийн бамбарыг бадамлуулах туйлын мөрөөдөлтэй байв. Учир нь аав хүү хоёр хүчтэн хоёр зуун, хоёр мянганыг дамнаж хүн төрөлхтний цэнгэлийн манлай олимпийн их наадамд оролцож явсан хэмээх спортын түүхэнд ховорхон тохиох мөнхийн түүхийг бичэх гэснийг уншиж буй Монгол хүн та ойлгоно бизээ… Харин Япончууд ойлгocoнгүй бололтой.
Ц.ДОРЖ
.
