Kopoнавиpycний xaлдвap aвcaн 35 настай иргэн эмнэлгийн тусламж үйлчилгээ авч чадалгүй, “Энэрэл” эмнэлгийн үүдэнд очоод харам.салтай.гаар на.с бар.сан хэрэг гарсан.
Үүнтэй холбоотой гурван ч даргыг суудлаас нь ховхолж, ажлаас нь чөлөөлөөд байна. Тодруулбал, НЭМГ-ийн эмнэлгийн тусламжийн хэлтсийн дарга М.Мөнхдэлгэр, “Энэрэл” эмнэлгийн дарга А.Амартүвшин, Яаралтай тусламжийн 103 төвийн дарга Ц.Пүрэвдаш нарыг ажлаас нь чөлөөлөх арга хэмжээ авсан юм. Мөн яаралтай тусламж үзүүлээгүй Баянзүрх дүүргийн нэгдсэн эмнэлгийн удирдлагад арга хэмжээ авах, гэрээг цуцлах хүртэл хариуцлага тооцохоор зохих газруудад үүрэг болгосон.
Гэтэл яаралтай тусламжийн 103 төвийн дарга Ц.Пүрэвдаш гэх хүн ажлаас чөлөөлөх албан бичгээ авахаас өмнө өөрийн доод тушаалын дарга буюу 103 төвийн эмчилгээ эрхэлсэн орлогч дарга С.Ариунболдыг ажлаас нь чөлөөлөх тушаал гаргаад, өөрөө алга болжээ.
Алга болжээ гэсний учир нь Ц.Пүрэвдаш өрөөнийхөө үүдийг лацдаад, байгууллагын тамга авч явсан төдийгүй байгууллагын машин унаад “зугтсан” гэдгийг эх сурвалж мэдээлж байна.
Түүний эл үйлдлээс болж тус байгууллагын ажилчид, түргэн тусламжийн эмч нар цалингаа авч чадахгүйд хүрээд байгаа аж. Учир нь даргынх албан өрөө нь лацтай, ажлаа хүлээлгэж өгөхгүйгээр тамгаа аваад явсан учраас өрөөнд нь халдаж чадахгүй байгаа аж.
Тиймээс Ц.Пүрэвдашийн тушаалаар халагдахаар болоод байсан С.Ариунболдыг НЭМГ-аас Яаралтай тусламжийн 103 төвийн даргын түр орлон гүйцэтгэгчээр томилсон байна. Улмаар С.Ариунболд ажилчдынхаа цалинг тавихын тулд шинэ тамга хийлгэж яваа сурагтай.
Ц.ПҮРЭВДАШ ТЭРГҮҮТЭЙ ТУС ТӨВИЙН УДИРДЛАГУУД ЭPYYГИЙН ХЭРЭГТ ШАЛГУУЛЖ БАЙВ-
Ц.Пүрэвдаш тэргүүтэй Яаралтай түргэн тусламжийн төвийн удирдлагуудын хувьд эрүүгийн хэрэгт шалгуулж байсан. Эл хэрэг одоо ч нэг тийшээ шийдэгдээгүй байдаг.
Тодруулбал, ЭЦА-ны Эдийн засгийн гэмт хэрэгтэй тэмцэх газраас тэднийг үндсэн хөрөнгөдөө бүртгэлтэй яаралтай тусламжийн автомашинуудыг жолооч, эмч нарынх нь хамтаар Монгол, Катарын хамтарсан цэргийн сургуулийн хээрийн эмнэлэгт болон газрын тосны хайгуулын чиглэлээр манай улсад үйл ажиллагаа явуулдаг БНХАУ-ын хөрөнгө оруулалттай гэх “БЖП геофизикал Монголиа” гэх компанид ашиглуулах гэрээ байгуулсан. Улмаар 80 000 ам.доллар дээрх компани болон цэргийн сургуулилалтын Катарын талаас байгууллагынхаа дансаар дамжуулан хүлээн авч, завшсан байж болзошгүй хэрэгт сэжиглэн шалгаж байсан юм.
СЭРЭМЖЛҮҮЛЭГ: Төв болон зүүн аймгийн зарим газраар усархаг, дуу цахилгаантай аадар бороо орно
Малчид, иргэдийн анхааралд:
Өнөөдөр төвийн аймгуудын ихэнх нутаг, зүүн аймгуудын нутгийн зарим газраар усархаг, дуу цахилгаантай аадар бороо орох тул, мөндөр, нөөлөг салхи, аянга цахилгааны аюулaac сэрэмжтэй байхыг анхааруулж байна.
2021 оны доллдугаар сарын 09-ний 08.00-20.00 цаг хүртэлх цаг агаарын урьдчилсан мэдээ:
Ихэнх нутгаар үүлшинэ. Баруун, зүүн болон говийн аймгуудын нутгийн зарим газар, төвийн аймгуудын ихэнх нутгаар бороо, дуу цахилгаантай аадар бороо орно.
Салхи баруун болон төвийн аймгуудын нутгаар баруун өмнөөс хойш эргэж түр зуур секундэд 18-20 метр, бусад нутгаар зүүн өмнөөс секундэд 6-11 метр, зарим газраар борооны өмнө түр зуур ширүүснэ.
Монгол-Алтай, Хангай, Хөвсгөлийн уулархаг нутаг, Орхон-Сэлэнгийн сав газар, Хараа, Ерөө голын хөндийгөөр 18-23 градус, говийн бүс нутгийн өмнөд хэсэг, Дорнод, Дарьгангын тал нутгаар 34-39 градус, Хэрлэн, Онон голын хөндийгөөр 30-35 градус, бусад нутгаар 23-28 градус дулаан байна.
Баар цэнгээний газруудыг нээж, 22.00 цаг хүртэл ажиллаж байна
Нийслэлийн Засаг дарга бөгөөд Улаанбаатар хотын Захирагч Д.Сумъяабазар аж ахуйн нэгжүүдийн үйл ажиллагааг хэвийн явуулах нөхцөлийг бүрдүүлэх, халдвар хамгааллын дэглэм, ажлын байранд тавигдах тусгай нөхцөл шаардлагыг хангуулах, хяналт тавих, хүлээх хариуцлагатай холбоотой харилцааг зохицуулах зорилгоор худалдаа үйлчилгээ, аялал жуулчлал, спорт биеийн тамирын чиглэлийн аж ахуйн нэгжүүдтэй “Хариуцлагын гэрээ” байгуулах ажлыг үе шаттайгаар зохион байгуулсаар байгаа. Ингэснээр ААН-үүдийн үйл ажиллагааг гэрээний дагуу халдвар хамгааллын дэглэмийг чанд сахиулан нээж байгаа билээ. Тухайлбал амралтын газрууд болон фитнес, бассейн нээгдсэн байгаа юм.
Харин өчигдөр баар /паб, спорт, биллиард/ цэнгээний чиглэлээр үйл ажиллагаа эрхлэгч аж ахуйн нэгжүүдтэй зөвлөлдөх уулзалтыг зохион байгуулж, хариуцлагын гэрээ байгуулж, үйл ажиллагааг нь нээжээ. Ингэхдээ баар цэнгээний газрууд 22.00 цаг хүртэл ажиллах юм байна.
Уулзалтын үеэр аж ахуйн нэгж байгууллагуудад халдвар хамгааллын дэглэмтэй холбоотой мэдээлэл хийж, гэрээний тусгай заалтуудыг дэлгэрэнгүй танилцуулж, ААНБ-ууд тулгамдаж буй асуудлуудаа ярилцаж, санал солилцлоо гэж Улаанбаатарх хотын Захирагчийн ажлын албанаас мэдээлэв.
