Цагдаа нарт зo.дуулcaн гэх зохиолч С.Төмөр болсон явдлын талаар мэдээлэлхийлээ.
Тэрбээр ‘Би бие даасан зохиолч хүн. Өнгөрсөн амралтын өдрүүдэд болсон “Номын баяр” арга хэмжээний үеэр цагдаа нар намайг xүчи.pxийлсэн зураг цахим орчинд тархаад байна. Энэ үед юу болсон талаар бодит мэдээлэл өгье. Зургадугаар сарын 10-нд “Номын ертөнц” ТББ-ын хүмүүстэй холбогдож, “Номын баяр”-т асар түрээслэх хүсэлт тавьсан. Нэг асар 400 мянган төгрөгийн түрээсийн төлбөртэй байсан юм билээ. Би “Номын баяр”-ыг очиж сонирхож, өөрийнхөө гурван номыг зарах санаатай очсон. Намайг очиход хүмүүс асрын дунд талд цаасан хайрцаг тавиад зарж болж байна гэж би харсан. Тийм учраас би талбайд номоор зарахаар очсон.
Зургадугаар сарын 13-ны 18:00 цагт номын худалдаа дуусаж байсан юм. Асар хоосорч, худалдагч нар явчихсан байхаар нь би нэг асар дотор өөрийнхөө номыг тавиад сууж байсан. Гэтэл хоёр охин ирээд “Та энд номоо зарж болохгүй. Та түрээсийн төлбөр төл. Эндээс яв” гэж хэлсэн. Би “Номын худалдаа тарж байгаа юм чинь энд сууж болох уу” гэж асуусан. Гэтэл “Үгүй. Болохгүй” гэхээр нь би асраас гарсан. Асрын гадна талд номоо тавиад сууж байтал нөгөө хоёр охин хоёр цагдаагийн алба хаагч дагуулж ирсэн. Би тухайн үед coгтууруулax ундаа хэрэглээгүй байсан. Би угаасаа аp.xи уудаггүй хүн. Цагдаа ирээд “та энд ном зарж болохгүй. Бидэнд гомдол ирсэн тул таныг журамлана. Биднийг дагаад та цагдаагийн байранд очно” гэж хэлсэн. “Би тэгвэл номоо аваад явлаа” гэсэн чинь явуулахгүй цагдаагийн байр руу авч явна гэсэн. Тэгээд бид маргалдаж, цагдаа нар намайг сууж байсан сандал дээрээс буулгаж, газар унагаж, толгой, хавирга руу цо.хиж, гэмтээсэн. Мөн миний эхнэрийн толгой руу цагдаа нар цо.хиж, хал.дсан. Мөн миний хувцсыг урсан’ гэв.
