Цагдаагийн байгууллагад өчигдөр буюу энэ сарын 18-ны өдрийн 11:15 цагт Баянгол дүүргийн 11 дүгээр хороо, “Гурван гал эмнэлэгт хутгалуулсан хүн орж ирлээ” гэх дуудлага, мэдээлэл бүртгэгдсэн.
Тус дүүргийн цагдаагийн газрын нэгдүгээр хэлтсээс шалгахад 28, 34 настай хоёр иргэний биед 31 настай О гэгч нь тус бүр 2-3 удаа мэсээр халдаж зугтсан байна.
Цагдаагийн алба хаагчид О гэгчийг Сонгинохайрхан дүүргийн нутаг дэвсгэрээс олж тогтоон баривчилсан бөгөөд уг этгээд нь 4 удаагийн гэмт хэрэгт шүүхээс ял шийтгэгдэж байжээ.
Урьдчилсан байдлаар дээрх этгээдүүд нь биесээ таньдаг бөгөөд өр, зээлийн асуудлаас болсон гэж мэдүүлж байгаа хэдий ч, мансууруулах эм, сэтгэцэд нөлөөт бодис хэрэглэдэг байж болзошгүй нөхцөл тогтоогдоод байна.
Эх сурвалж: ЦЕГ