Мэргэжлийн сүмогийн маэгашира, Ичиножёо А.Ичинноровын хэргийг Сүмо бөхийн холбоо өнөөдөр хэлэлцэх аж.
Тэрбээр Минато оякатагийнхаа гэргийд гар хүрсэн гэж, Японы шар хэвлэлүүд мэдээллэж байсан билээ. Иймд тус холбооны Ёс зүйн хорооноос энэ сарын 22-нд Минато ояката болон Ичиножёог дуудаж, байдлыг тодруулсан бөгөөд энэ удаа ямар шийтгэл оноох эсэх нь тодорхойгүй байна.
Гэхлээ түүнийг окамисандаа гар хүрээгүй, харин оякатагийн гэргий байнга мөрдөн, хувийн амьдралд нь оролцдог нь маргааны үндэс болсон гэж Сүмо бөхийн холбооны эх сурвалж мэдээллэсэн юм.
Тэгэхээр Ёс зүйн хорооноос шийтгэл оноохгүй байх үндэслэл өндөр байгаа юм.
Ичиножёо Японы Тоттори Жёохокү ахлах сургуулийг төгссөн. 2013 оныарваннэгдүгээр сарын тэмцээнээс мэргэжлийн сүмо барилдаж, 2014 оны намар дээд зиндаанд дэвшиж байлаа.