Баянгол дүүргийн … эмнэлэгт ой 2 сартай охинтойгоо хэвтэн эмчлүүлж байгаа 17 настай М гэх бүсгүй хүүхдээ орхиод гараад явчихдаг, тэдэнд ар гэрээс нь эргэлт байдаггүй учраас хамт хэвтэж байгаа ээжүүд хоол хүнс, живх зэргээ илүүчилж байгаа талаар нийгмийн сүлжээнд мэдээлэл гаргасан. Мөн ээж нь охиноо зодож зандчин хооллож, хазаж уйлуулаад унтуулдаг талаар ээжүүд мэдээлэл ирүүлсэн. Бид уг асуудлыг судлан, Хүүхдийн тусламжийн 108 дугаарт мэдэгдэн, эрсдэлийн үнэлгээ хийлгэх хүсэлт гаргасан юм. Тухайн мэдээллийн дагуу яг одоо Мэдээлэл шуурхай удирдлагын төвөөс томилогдсон цагдаагийн алба хаагч, хүүхдийн төвийнхөн ажиллаж байна.
