Х.Баттулга даргатай Ардчилсан нам /АН/-ынхан Сүхбаатарын талбайд хэвлэлийн бага хурал хийлээ. УДШ-ийн нийт шүүгчдийн хуралдааны тов өчигдөр гарч, Х.Баттулгыг АН-ын даргаар бүртгэх эсэхийг энэ сарын 20-нд хэлэлцэхээр болсон. Үүнтэй холбогдуулж, тус АН-ын Улс төрийн зөвлөл өчигдөр хуралджээ.
АН-ын Улс төрийн зөвлөлийн гишүүн Д.Батсайхан: -Улс төрийн зөвлөлийн хурал 21 аймаг, есөн дүүрэгт зэрэг явагдаж, 100 гаруй мянган гишүүн, дэмжигч оролцсон. Өнгөрсөн хоёр жилийн хугацаанд бид УДШ-ийн шийдвэрийг тайван хүлээн авч байсан. Одоо тайван сууж чадахгүй гэдгээ гишүүд илэрхийлж байна. Иймээс зарим нь орон нутгаасаа ирсэн байгаа.
УДШ-ийн гадаа гурав хоногийн тайван жагсаал хийнэ. Бид гишүүдийн тайван бус байгаа уур амьсгалыг зөөллөх, тайвшруулж, эв нэгдлийг ханган ажиллана. Баянгол дүүргийн Улс төрийн зөвлөлийн гишүүн Ц.Одонтунгалаг: -АН-ын гишүүдийн тэвчээр а лда гдаж эхэлж байна. Ууртай байна. Бид нийгмийг эмх замбараагүй байдалд оруулахгүйн тулд УДШ-ийн гадаа тайван жагсаал хийнэ. Гишүүд, дэмжигчид өөрсдөө хүсэлт гаргасан. Хууль гэж байдаг бол АН-ын олонхын талд шүүхийн шийдвэр гарах ёстой.
УИХ-ын гишүүн асан Ш.Түвдэндорж: -Ардчилсан намын гишүүд хоёр жил до ромжуу ллаа. Гишүүд, дэмжигчдийн хооронд хоёр жил яс хаялаа. Хорхой биед нь хүрэхээр атирдаг гэдэг. Тайван жагсаал хийснээр бид УДШ-ийн шийдвэрт нөлөөлөх гээд байгаа юм биш, реакци үзүүлэх гэж байгаа юм.
Гишүүдийн зарим нь эхнээсээ гэдэс гүзээгээ угаагаад эхэллээ. Зулын гол болно гэхэд хаашаа юм, тэмцлийн ширүүн хэлбэрт шилжье гэж байгаа. АН-ын дүрмийн дагуу Х.Баттулгыг АН-ын даргаар бүртгэх ёстой. УДШ-ийн шийдвэр тэмцэл будлиан руу түлхэхгүй байгаасай гэж хүсэж байна гэв.
