Өчигдөр Сүхбаатарын талбай дээр “Тэвчээр тасарлаа” уриатайгаар аж ахуй нэгжүүдийн нэгдсэн хөдөлгөөн болсон. Хөдөлгөөнийг зохион байгуулсан шалтгаанаар комедиан Д.Амартүвшинг цагдаагийн байгууллагаас шалгажээ. Энэ талаар тодруулахаар комедиан Д.Амартүвшинтэй уулзлаа.
-Сайн байна уу, өчигдөр хөдөлгөөн өндөрлөсний дараа яг юу болсон юм бэ?
-Сайн байна уу, Өчигдөр Сүхбаатар дүүргийн цагдаагийн нэгдүгээр хэлтсээс Зөрчлийн хуулийн 5.13.2 буюу гамшгийн тухай хуулийг зөрчсөн гэдэг заалтын дагуу хариуцагчаар мэдүүлэг авсан. Энэ нь 500 мянган төгрөгөөр торгох, эсвэл 7-30 хоног баривчлах заалттай юм билээ. Шүүх хурал нь ойрын хугацаанд болох байх гэж таамаглаж байна.
-Хариуцагчаар мэдүүлэг авах гэдэг нь ямар утгатай юм бэ?
-Хариуцагчаар мэдүүлэг авах гэдэг нь энэ хуулийг зөрчсөн учраас гэм буруутай үйлдэл хийсэн байж болзошгүй гээд мэдүүлэг аваад энэ нь шүүхрүү шилжээд, шүүр эцсийн шийдвэрийг гаргана гэсэн үг юм. Үүнээс харахад миний бодлоор хүмүүст хууль тэгш үйлчлэхээ больчихож. Би уг нь зургаадугаар сарын 25-нд талбай дээр очоод халдвар хамгааллын дэглэм зөрчөөд байсан хүмүүст дэглэмээ бариач гэж шаардлага тавьж байсан боловч цагдаад саатуулагдсан. Харин өчигдөр бид дөрөв дөрвөн метрийн зайтай зогсож байсан шүү дээ. Гэтэл үүнийг гамшгийн хууль зөрчсөн гэж үзэж байна. Хэрэв би баривчилгаанд явбал нөгөө хүмүүстэйгээ хамт явмаар байна. Би энэ зүйлд орсондоо их баяртай байгаа. Хэнийг нь шийтгээд, хэнийг шийтгэхгүй орхихыг одоо л харъя.
-Ер нь энэ хөдөлгөөнийг өрнүүлэх болсон гол шалтгаан тань юу юм бэ?
-Нөгөө л “Comedy lab” шүү дээ. Бид чинь нэг жил зургаан сарын хугацаанд зогссон. Манай бусад гишүүд өөр ажил эрхэлдэг учраас арай гайгүй байх шиг байна. Зөвхөн тухайн бизнесээ ажлаа болгосон хүмүүс үнэхээр сөхөрч байна. Тэдний нэг нь би өөрөө байна. Тийм учраас ингээд тэмцээд яваад байгаа юм. Үнэхээр өрөнд баригдаж, өтөнд идэгдэх гэдэг нь болоод байна. Зөвхөн хоол хүнсэнд гэхэд л 15 сая төгрөгийг хүмүүсээс зээлсэн байна. Бүх хадгаламжаа идээд дууссан. Үүнээс цааш боломжгүй болсон.
-Хэрэв таныг баривчилбал, хөдөлгөөнөө хэрхэн үргэлжлүүлэх вэ?
-Шууд жагсана даа. Хүмүүс хэрэв намайг барьж хоривол шууд жагсаал цуглаан хийнэ гэдгээ хэлж байна лээ. Тэвчээд байж чадахгүй, яг л Европын орнуудад болж байгаа шиг эсэргүүцлийн том жагсаал өрнүүлье гэж байна лээ. Тэр нь ч бараг зөв байх.
-Шаардлагаа албан ёсоор хүргүүлсэн болов уу?
-Хүргүүлсэн. Өчигдөр хотын захиргаанд аваачиж өгсөн.
Засгийн газар: Улаан бүсэд ажиллаж байгаа эмч, эмнэлгийн ажилчдад хоёр сая төгрөгийн дэмжлэг үзүүлнэ
Засгийн газрын ээлжит бус хуралдаанаар гаргасан шийдвэрийг Ерөнхий сайдын хэвлэл мэдээллийн албаны дарга Ч.Болортуяа танилцуулж байна.
.
. 
Тэрбээр “Төсвийн тодотголын асуудлыг өнөөдрийн хуралдаанаар хэлэлцлээ. Өнгөрсөн хуралдаанаар танилцуулсан эрүүл мэндийн салбарт 668 тэрбум төгрөгийн нэмэлт санхүүжилт хийхийг төсвийн тотдотголд тусгалаа. Хүүхдийн 100 мянган төгрөгийн мөнгөн тэтгэмжийг 2021 оны арванхоёрдугаар сарын 31-ний өдөр хүртэл сунгахаар санал тусгасан. Түүнчлэн айл өрхийн цахилгаан дулаан, хог, усны мөнгийг он дуустал олгох санал гаргалаа.
Цар тахлын улаан бүсэд ажиллаж байгаа 13 мянган эмнэлгийн ажилчдад нэг удаагийн хоёр сая төгрөгийн тэтгэмж, эрүүл мэндийн салбарын 19 мянган ажилтанд нэг удаагийн нэг сая төгрөгийн тэтгэмж олгох саналыг тусгаад байна. Цаашлаад эмч, эмнэлэгийн ажилчдын цалинг 50 хувь нэмэгдүүлэх саналыг гаргаад байна. Хүүхдийн мөнгийг мөн улсын төсвөөс олгоно. Харин айл өрхийн суурь хэрэглээний зардлыг төрийн өмчит компаниуд хариуцах юм” гэлээ.
