Тээврийн цагдаагийн албаны Жижүүрийн шуурхай удирдлагын хэлтэст 2020.05.02,03-ны өдрүүдэд 253-н зам тээврийн ослын шинжтэй дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас таван хүн гэмтсний нэг нь хүүхэд, Ноцтой зам тээврийн ослын улмаас орон нутагт нэг хүний амь насыг хохирсон байна.
Ноцтой зам тээврийн ослоос дурдвал:
Өмнөговь аймгийн Цогтцөций сумын гуравдугаар багийн нутаг дэвсгэрт асфальтан замд 2020.05.03-ны шөнийн 22:10 минутын орчим “Toyota landcruiser 80” маркийн автомашин онхолдож, жолооч 51 настай, эрэгтэй “Б”-гийн амь нас хохирсон хэргийг шалгаж байна.
Алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 53 жолоочийг илрүүлж хуулийн дагуу хариуцлага тооцсон байна. Согтууруулах ундааны зүйл хэрэглэсэн үедээ автомашин жолоодож зам тээврийн осол гаргасан хоёр зөрчил бүртгэгдсэн байна. Амралтын өдрүүдэд бүртгэгдсэн зам тээврийн осол, хэргийг өмнөх долоон хоногийн нөхцөл байдалтай харьцуулахад нийт дуудлага мэдээлэл 10.9 хувиар, Бүртгэгдсэн зам тээврийн осол 9.9 хувиар, ослын улмаас гэмтсэн хүн 44.5 хувиар тус тус буурсан үзүүлэлттэй байна.
Нийт замын хөдөлгөөнд оролцогч та бүхэн тээврийн хэрэгслийн хурдыг тохируулж, техникийн бүрэн бүтэн байдлыг хангаж хөдөлгөөнд оролцох, архи, согтууруулах ундааны төрлийн зүйл хэрэглэсэн үедээ тээврийн хэрэгсэл жолоодож хөдөлгөөнд оролцохгүй байх, явган зорчигч хэлбэрээр хөдөлгөөнд оролцохдоо өөрийн аюулгүй байдлыг хангаж, замын хөдөлгөөний дүрмээ чанд баримтлан, өдрийн цагт автомашиныхаа “ОЙРЫН ГЭРЛЭЭ” асааж “Covid-19” халдвараас сэргийлэх уриалгад нэгдэж замын хөдөлгөөнд оролцохыг Тээврийн цагдаагийн албанаас анхааруулж байна.
