ХӨСҮТ-ийн ерөнхий захирал Д.Нямхүү иргэдийн шинжилгээний хариу болон, эмчилгээний талаар мэдээлэл өглөө.
Тэрбээр 2020 оны дөрөвдүгээр сарын 28-нд ХӨСҮТ болон Монгол Улсын хэмжээнд сэжигтэй тохиолдол бүртгэгдээгүй. Дархан-Уул болон ХӨСҮТ-ийн хоёр, нийт гурван лабораторид 315 шинжилгээ хийхэд коронавирусийн халдвар илрээгүй.
Энэ шинжилгээнд:
- ХӨСҮТ-д тусгаарлагдсан -112
- Цэргийн төв эмнэлгийн – 2
- Ажиглах байранд тусгаарлагдсан -25 хүний давтан шинжилгээ
- Дорноговь аймгийн Замын-Үүд суманд тусгаарлагдсан -6
- SOS медикал эмнэлэг-1
- Тандалтын зорилгоор хийсэн -111 хүний шинжилгээ хийгдсэн.
Дархан-Уул аймагт 59 хүнд, ХӨСҮТ-д 256 хүний шинжилгээ хийсэн байна. ХӨСҮТ-өөс тусгаарлалтын хугацаа нь болсон 80 хүнийг шилжүүлэн гаргалаа.
Дараагийн чартер нислэгээр ирэх иргэдээ авах байр, бэлтгэл ажлын хангаж байна гэсэн мэдээллийг өглөө.