ОХУ-ын Аюулгүйн зөвлөлийн дэд дарга Дмитрий Медведев Оросын нисэх онгоцны буудлуудад хийсэн халдлагын хариуг заавал авна гэж мэдэгджээ.
Тэрбээр “Санаа зовж буй бүх хүмүүс шийтгэлээ амсах нь зайлшгүй, та нар санаа зовох нь зөв. Энэ бол хүний ердийн зан чанар. Бид хариугаа заавал авна” гэж өөрийн Telegram сувагтаа бичсэн байна.
Медведев Оросын арми “идэвхтэй урагшилж байгаа бөгөөд цаашид ч урагшлах болно” гэдгийг санах хэрэгтэй гэж онцлон тэмдэглэсэн байна. Тэрбээр “дэлбэрэх ёстой бүх зүйл дэлбэрч, устгагдах ёстой хүмүүс алга болох болно” гэж мэдэгджээ.
ОХУ-ын Аюулгүйн зөвлөлийн дэд дарга мөн 6-р сарын 2-нд Стамбулд болсон энхийн яриа хэлэлцээний хоёр дахь шатны талаар тайлбар хийсэн аж.
Медведев ” Стамбул дахь яриа хэлэлцээ нь хэн нэгний зохиосон бодит бус нөхцөлд эвлэрэхийн тулд биш, харин бид хурдан ялалт байгуулж, неонацист засгийн газрыг бүрэн устгахад хэрэгтэй. Энэ бол өчигдөр нийтлэгдсэн Оросын санамж бичгийн утга учир юм” гэж онцлон тэмдэглэсэн байна.
Ж.Бат
Эх сурвалж: Anadolu Agency
