Нийслэлийн Иргэдийн Төлөөлөгчдийн Хурлын ээлжит бус I хуралдаан арваннэгдүгээр сарын 15 буюу өнөөдөр эхэллээ.
Хуралдаанаар НИТХ-ын төлөөлөгч Б.Мягмар:
- НИТХ-ын Ээлжит бус Анхдугаар хуралдаанаар Нийслэлийн засаг дарга бөгөөд Улаанбаатар хотын захирагчийн 2024-2028 оны үйл ажиллагааны хөтөлбөрийг 5 бодлого, 25 зорилго, 208 зорилт хүрэх дүнг хэлэлцэн баталлаа.
- Энэхүү хөтөлбөрт Хан-Уул дүүргийн маань түгжрэлийг шийдвэрлэхэд гол төслүүд болох, “Шинэ тойрог зам”, 33 км “Туулын хурдны зам”, “Хог шатааж эрчим хүчний үйлдвэр барих” зэрэг нийгэм эдийн засгийн үр өгөөжтэй томоохон 12 төсөл, арга хэмжээг хэрэгжүүлэхээр тусгаж баталлаа.
- Тус хөтөлбөрт Эрүүл мэнд боловсролын салбарын ажилтнуудын нийгмийн баталгааг хангах, тогтвор суурьшилтай ажиллах нөхцөлийг бүрдүүлэхэд чиглэсэн арга хэмжээг хэрэгжүүлэх саналыг гаргаж тусгууллаа.
- НИТХ-ын хороодын бүрэлдэхийг батлах зэрэг 10 асуудлыг хэлэлцэж байна.” гэв.
