Сэтгүүлч Б.Отгон өөрийн сошиал хуудаснаа ийнхүү бичжээ. Тэрээр:
Өдөр бүр нэг сенсаци дагаж давалгаална. Осоржамаагийн лайв, хоёр хүний хэрүүл, хов жив… Хэнд ч хэрэггүй зүйлд хайран цагаа зарсаар хамгийн гол асуудлаа тоох ч үгүй. Тогтож анхаарах ч үгүй. Эцэстээ улсаараа ядуурал, хямрал, өр зээлэнд баригдаж, хөдөлмөрлөөд ч авсан цалин нь амьдралд байтугай аяга хоолондоо хүрэхгүй учир залуус нь эх орноосоо дүрвэж,бууриа сахиж үлдсэн хэдэн малчид нь бэлчээр, усны хомсдолд орж, Улаанбаатартаа бөөгнөрч, түгжирч, бухимдаж……
Бид ядуу байна. Асуудал их байна. Үүнийг шийдэхэд эдийн засаг хэрэгтэй. Уг нь бид 3,5 сая хүн байтугайг нь хангалттай тэжээх баялагтай улс. Оюутолгойгоос ирэх 10 жилд 43,8 тэрбум ам долларын баялаг олборлож, экспортод гаргана. Гэтэл үүнээсээ ердөө 3 хан тэрбум нь л Монголчуудад татвар хэлбэрээр орж ирнэ. Үлдсэн 40 тэрбумыг нь Рио тинто компани авна. Хүний юмыг яаж зүгээр илт дээрэмдэх вэ дээ. Үйл ажиллагааны зардал нэрээр 13,2 тэрбум $, Хувь нийлүүлэгчдийн зээлийн хүү 12,7 тэрбум $, Үндсэн зээлийн төлөлт 4,3 тэрбум $….. гэж хэлээд л авчихна.
Манай улс энэ их баялгаас зөвхөн АМНАТ-ийн татвар л авна. Эзэн улсад өгч байгаа татварын 3 тэрбум доллар нь Риотинтогийн менежментийн төлбөртэй л бараг тэнцэнэ. Ийм байж болохгүй ээ. Энэ бол ЛУЙВАР. Өнөөдөр гишүүдийн тоог 152 болгоно гэж эргүүтэж байхын оронд ирэх 10 жилд Оюутолгойгоос алдах гэж байгаа баялгийн дээрмийг зогсоогоо ч ээ.
Ерөнхий сайд Л.Оюун-Эрдэнэ та Риотинтод Монголчуудын үүгэсэн 1,3 тэрбум долларын өрийг тэглэлээ гэж тархи угааж, энэ дээрмийг үргэлжлүүлэхийн оронд 40 тэрбумыг алдах гэж байгаа илт луйврыг зогсооход хуруугаа ч хөдөлгөхгүй байгаа нь ямар учиртай вэ?
