Эр цэргийн баяраар аавууд нэгдэж, ЭХЭМҮТ-ийн эргэлтийн хаалгуудыг цэвэрлэхээр болжээ. Тодруулбал, аавуудын группын залуус бусад аавуудтай нийлж энэ ням гарагт эх нялхсын эмнэлэг орчим их цэвэрлэгээ хийх юм байна.
Аавууд маргааш 11-12 цагт Эх нялхсын урд талбайд цуглаж, багууд гаргаж хүүхдийн эргэлтийн хаалга, төрсний дараах эргэлтийн хаалга, хашаа саравч, гадна орчинг тус тус цэвэрлэх аж.
Оролцох аавууд резинен бээлий, угаалгын нунтаг, алчуур, сойз, хүрз, шүүр савар зэргийг бүгд өөрсдөө базааж ирэх бөгөөд “Бид ямар нэгэн байгуулага, аж ахуй нэгж биш болохоор усаа ч гэсэн өөрсдөөсөө гаргая. Нэг хүн 10 литр устай ирэхэд болох болов уу” хэмээн санаачлагч аав бичжээ.
Discussion about this post