Дэлхийн Эрүүл Мэндийн Байгууллагын зүгээс энэ долоо хоногтoo багтан Хятад улсын вакцин үйлдвэрлэгчид болох Синафарм, Синовак компаниудын бүтээлсэн вакцинуудыг яаралтай горимоор хүлээн зөвшөөрөх эсэх дээр дүгнэлтээ гаргах гэж байгаа энэ үед ДЭМБ-ын зүгээс Синофармын вакциний талаар дүгнэлттэй холбоотой гаргасан мэдээллээс харахад тус компаний бүтээсэн вакцин нь Ковид-19-аас хамгаалахын хувьд “ерөнхийдөө үр дүнтэй” хэмээн ДЭМБ-ын мэргэжилтнүүд үзсэн ба харин өндөр настай хүмүүст гарах сөрөг үр дагаварын хувьд “бага итгэл төрүүлэхээр” хэмээн дүгнэжээ.
Ройтерс зэрэг агентлагуудын зүгээс олж авсан бичиг баримтyyдаас харахад уг вакцин нь үр дүнтэй гэдэг нэгэн шинэ баримт гарч ирж байгаа гэсэн үг юм. Лхагва гаригт ил болсон уг баримтаас харахад “ДЭМБ-ын мэргэжилтнүүд Синофармын өгсөн зарим нэгэн мэдээллүүдэд маш бага хэмжээгээр итгэж байгаа” хэмээн дурьдсан байна. Энэ мэдээлэл нь “зарим иргэд”-эд үзүүлэх хүнд хэлбэрийн сөрөг шинж тэмдгүүд аж.
Харин Хятадын вакциний мэргэжилтнүүдийн тайлбарласнаар ДЭМБ-ын уг бичиг баримтанд дурьдсан “зарим иргэд” гэдэг нь өндөр настай буюу 60 ба түүнээс дээш насны иргэдийг хэлж байгаа хэмээн үзэв. “Энэ тохиолдолд итгэх боломж бага байгаа гэдэг шалтгаан нь уг туршилтанд оруулсан өндөр настай хүмүүсийн тоо хязгаарлагдмал байсантай холбоотой” хэмээн тайлбарлажээ.
Хятад мэргэжилтнүүдийн хэлсэнээр Синофармын вакцин нь 18-59 насны иргэдэд үр дүнтэй гэдэг нь нотлогдсон хэмээн хэлээд энэ нь ДЭМБ-аас зөвшөөрөл авахад хангалттай гэсэн байна. Синофармын вакцинийг 45 улсад хүлээн зөвшөөрч одоогоор 65 сая тунг хүмүүст хийгээд байна гэсэн тооцоолол байгаа юм. ДЭМБ-ын баримтанд Хятад, Бахрайн, Египет, Йордон, Арабын Нэгдсэн Эмират улсуудад хийсэн клиникийн туршилтын үр дүнд үндэслэжээ.
Олон улсад хийсэн вакциний 3-р үе шатны клиникийн туршилтын үр дүн нь 2 тунгийн дараа 78.1% байсан гэжээ. Мөн эмнэлэгт хэвтэх хүртэл нь хүндрэхээс хамгаалах хувь 78.7 хувь байсан бол бүр амь насанд нь эрсдэл учрах хэмжээнээс хэдэн хувь хамгаалах нь дүгнэгдэж тооцоологдоогүй байна. Вакциний дараа илрэх урвал шинж тэмдэг нь хөнгөнөөс дунд зэрэг байсан ба тарьсан хэсэгт хөндүүрлэх, толгой өвдөх зэрэг нь хамгийн түгээмэл байсан аж.
“Зарим мэдээллийн хувьд итгэл бага төрүүлсэн хэдий ч энэ нь вакциний үр дүн бага эсвэл асуудалтай гэсэн үг биш” гэж Гуанжуд байрладаг нэгэн вакциний мэргэжилтэн хэлэв. “Вакциний мэдээлэл нь хэр их хүн орсоноос хамаарч үр дүн чанарт нь нөлөөлнө” гэжээ.
ДЭМБ-ын баримтaaс харахад 3-р шатны клиникийн туршилтанд 60-аас дээш настай зөвхөн 209 хүн оролцсон бол харин 18-59 насны 13,556 хүнийг хамрyyлсан байна. Клиникийн туршилтын мэдээлэл нь өндөр настай хүмүүст хэр аюултай эсэх нь тодорхойгүй байгaa хэдий ч ДЭМБ-аас уг вакцинийг 18-59 насныханд хийх зөвшөөрлийг өгч магадгүй хэмээн таамаглав.
Эх сурвалж: Globaltimes.cn
