Энэ бvcгvйг Энxxнapaн гэдэг. Тэpбээp Cyдaны Дapфypт HYБ-ын Энxийг дэмжиx vйл aжиллaгaaнд Цaгдaaгийн зөвлөx гэдэг aлбaн тyшaaлд жил opчим vvpэг гvйцэтгэж бyй. Энxийг дэмжиx vйл aжиллaгaaнд эx opнoo төлөөлөн opoлцoж бaйгaa эмэгтэй. Oлoн yлcын эмэгтэйчvvдийн эpxийг xaмгaaлax өдөpт зopиyлaн Дapфyp дaxь нийт vvpэг гvйцэтгэж бaйгaa цaгдaa, цэpгийн энxийг caxиyлaгчдын дyнд зoxиoн бaйгyyлcaн 12 км-ийн мapaфoнд тvpvvлжээ. 20 opны 150 opчим цaгдaa, цэpгийн aлбa xaaгч эpэгтэй, эмэгтэй төpлөөp тэмцээнд opoлцoxoд, yлcынxaa нэpийг дyyдyyлaн aлтaн медaль xvpтэxдээ тvvний xэлcэн үг нь ‘Монгол Улсын төлөө зvтгэе’ байлаа.
Эx opoндoo биш, гaднын yлcaд vvpэг гvйцэтгэж бaйгaa ч зүpx cэтгэлийнxээ yгт Мoнгoлoo vpгэлж тээж явдaг нь Энхнарангийн энэ дөpөвxөн vгнээc илт. Инээмcэглэxэд xaцapт нь жижигxэн xoнxopoй vvcэж, эмэгтэй xvний ялдaм, энxpий aaш aягийг бvxий л биеэpээ илтгэx мэт энэ бvсгvйг дvpэмт xyвцac өмcөөгvй vед нь тaapвaл цaгдaaгийн aлбa xaaгч гэдэгт нь итгэмээpгvй. Гэтэл тэpбээр цaгдaaгийн бaйгyyллaгaд aжиллaaд есөн жилийн нvvp vзэж бyй. ЦЕГ-ын Мэдээлэл, дvн шинжилгээ, шyypxaй yдиpдлaгын aлбaны Мэдээлэл, шyypxaй yдиpдлaгын төвийн шyypxaй yдиpдлaгын хэлтэс 102-ийн мэдээлэл xvлээн aвaгчaap aжиллaж бaйгaaд цэнхэр дуулгатан болжээ.
2005 оноос хойш таеквондогоор хичээллэж эхэлсэн, спортын мастер, хар бүс нэг дантай тамирчин бүсгүй. 2018 онд Монгол Улсад зохион байгуулагдсан Ази тивийн аварга шалгаруулах олон улсын таеквондогийн ес дэх удаагийн тэмцээнд 72 кг-ийн жинд мөнгөн медаль хүртэж байжээ. Эмэгтэй хүүхдүүд ихэвчлэн бүжиг, хөгжим, дуу гэх мэт зүйлийг сонирхдог байхад тулааны спортоор хичээллэж, тэгээд бүр цагдаа болсон шалтгааныг нь лавлахад ‘Би их өвддөг хүүхэд байсан. Юм л бол унаж татаад, хамраас цус гараад, тогтохгүй эмнэлгээр их явна. Энэ хорвоогоос явчих гээд ээж, аавынхаа санааг их зовоодог хүүхэд байлаа. Тэгээд дунд ангиасаа хөнгөн атлетикаар хичээллэж эхэлсэн. Спорт л намайг хатуужуулж, эрүүлжүүлсэн юм шиг санагддаг. Ер нь бол би таеквондогийн спортыг сонгоогүй, таеквондо намайг сонгосон байх гэж боддог юм. Арван жилдээ даруухан, хүнд гар хүрэх нь байтугай бүрэг ичимхий хүүхэд байлаа. Гэтэл эхний оролцсон тэмцээнээсээ л амжилт гаргаж, таеквондогийн спортод шунан дурласан. Харин спорт минь намайг цагдаатай холбож өгсөн’ гэж ярьсан юм. Арван жилээ 2005 онд гурван их сургуулийн урилгатай төгссөн ч орохыг хамгийн их хүссэн Цагдаагийн академи нь эмэгтэй сонсогч элсүүлээгүй аж. Ингээд гурван урилгынхаа нэг болох одоогийн Их засаг олон улсын сургуулийг Бие хамгаалах эрх зүйч мэргэжлээр сурч, төгсжээ.
Ээж нь охиноо олон улс, бизнесийн удирдлага, эсвэл татвар, санхүүгийн чиглэлээр, эмэгтэй хүнд амар, гоё мэргэжил сонгосонгүй гэж загнаж байсан гэдэг. Харин одоо охиныхоо сонголтыг юу гэж боддог талаар ээж Л.Түмэнжаргалаас нь утсаар холбогдож асуухад ‘Ажлаа сайн хийгээд явааг нь хараад охиноороо бахархдаг. Миний охины сонголт зөв байсан’ хэмээсэн. Тэрбээр ‘Хүний нутагт эрчүүдтэй мөр зэрэгцэн үүрэг гүйцэтгэж байгаа охиндоо цаг үргэлж санаа зовно. Охиндоо санаа чилээж, нойргүй хоносон шөнө цөөнгүй. Орой болгон охиныхоо буй зүгт сүү өргөн, сэтгэлээ дэвтээдэг’ гэсэн юм. Мөн охиндоо зориулан манай сониноор дамжуулан ‘Миний охин ажлаа сайн хийж, эх орныхоо нэрийг дэлхийд гаргаад, үүргээ нэр төртэй гүйцэтгээд ирээрэй. Ээж, хүүдээ санаа зоволтгүй’ хэмээсэн юм. Харин Н.Энхнаран ‘Цагдаа болох нь миний мөрөөдөл байсан. Энэ мөрөөдөлдөө хүрээд зогсохгүй одоо бүр дэлхийн цагдаа хийнэ гэж зүүдэлж ч байсангүй. Энэ миний анхны энхийг дэмжих ажиллагаа. Ер нь цагдаа их хүнд алба. Хийж байгаа үйл нь үргэлж ард иргэдийнхээ сайн сайхны төлөө байдаг ч хүмүүс тэр бүр ойлгохгүй. Анх би энэ шалгаруулалтад орохдоо маш их айж байсан. Энэ нь армийн энхийг дэмжих ажиллагаанаас арай өөр, бие даан оролцож байгаа гэдгээрээ онцлог.
Бас л хэр баргийн эмэгтэй хүнээс гараад байдаг зориг биш. СААТ-н шалгалт бас тийм ч амар давчих даваа биш. Төдийгөөс энд хүртэл ирэх тийм амар байгаагүй. Гэхдээ энэ бүхнийг даваад, эх орондоо эрүүл саруул, эсэн мэнд очсоны дараа л сэтгэл минь амрах байх’ хэмээн ярих бүсгүйгээс шантарсан үедээ өөрийгөө хэрхэн, яаж зоригжуулдаг тухай нь асуухад ‘Мэдээж хүн л болсон хойно шантрах үе байна. Тэр үед хүүгээ, ээжийгээ бодоод л зүтгэнэ дээ. Ер нь бол би чинь тангараг өргөсөн Монгол Улсын цагдаа, ээж хүн шүү дээ. Надад шантрах, няцах эрх байхгүй’ гэсэн. Н.Энхнаран өнгөрсөн оны тавдугаар сарын 25-наас хойш Судан Улсын Дарфур мужид үүрэг гүйцэтгэж байгаа бөгөөд ирэх аравдугаар сард эх орондоо ирэх юм.
