Монгол Улсын Ерөнхийлөгчийн сонгуульд АН-аас нэр дэвшигч С.Эрдэнэ СЕХ-ноос нэр дэвшигчийн үнэмлэхээ гардаж авлаа. Тэрээр энэ үеэрээ “Нийт иргэд сонгогчдынхоо итгэл найдварыг хүлээж АН-ын 200 гаруй мянган гишүүдийнхээ хүлээлгэсэн үүрэг хариуцлагыг хүндэтгэж, мөн СЕХ хууль дээдэлж шударгаар ажиллана гэдэгт итгэсэн учраас Ерөнхийлөгчийн сонгуульд нэр дэвшсэн. Энэ удаагийн сонгуулиар 2020 онд гарсан байж болзошгүй гэмт хэргийн шинжтэй үйлдлүүд гарахгүй гэдэт итгэлтэй байна. СЕХ өмнөх сонгуулиудад байхгүй байсан хяналтыг чиг үүргүүдийг нэмэгдүүлсэн юм байна гэж ойлгосон.
Миний бие Монгол Улсын Ерөнхийлөгчийн сонгуульд нэр дэвшиж байгаагаа албан ёсоор зарлаж байгаадаа сэтгэл ихээр хөдөлж, өндөр бахархал төрж байна. Би асар том үүрэг хариуцлага хүлээж байгаагаа гүнээ ухамсарлаж байна.
Монголын ард түмний эрх, эрх чөлөөний төлөө өөрт байгаа бүхий л хүч чадлаа дайлчлан ялах болно. Бид энэ удаагийн Ерөнхийлөгчийн сонгуульд ялж чадахгүйд хүрвэл сүүлийн чөлөөт сонгууль болно гэдэгт сэтгэл эмзэглэж байна. Энэ бол аль намыг, аль нэр дэвшигчийг сонгох сонгууль биш. Харин ирээдүйн гурван салаа замын альнаар нь амьдрахаа сонгох сонгууль юм. Та бүхэн ямар төрлийн гурван амьдралаар амьдрахаа сонгоорой. 1992 оноос хойш Монголын ардчилал устан үгүй болоход ойртлоо. Эрх чөлөөт нийгэм байгуулахыг АН зорьж байгаа. Миний нэн тэргүүний зорилго айдасгүй амьдралыг авчрах. Ковидизмыг нураан унагах болно. Ковид бус ковидизмыг эмчлэх цаг ирлээ.
Вакцин бол эрх чөлөө юм. МАН-аас нэр дэвшигч ковидизмыг дэмжигч этгээд биш харин үүсгэн бий болгосон хүн нь. Ковидоор далдалж, иргэдийн амьдрах, үгээ хэлэх, бизнес эрхлэх эрхийг хааж, өөртөө хүч хуримтлуулсан хүн. Сөрөг хүчингүй үед эрх баригч нам дураараа авирлах болно. Монгол Улс хэзээний эдийн засгийн хямралд ороод байна” гэлээ.
