Өнгөрөгч тавдугаар сарын 17-нд 12.00 цагийн үед Баянзүрх дүүргийн X апартмент хотхоны орчимд эмээтэйгээ тоглохоор гарсан зургаан настай Г.Мишээл, 60 настай Р.Оюунцэцэг нар сураггүй болоод хоёр өдөр өнгөрч байна.
Охин гарахдаа хөх эрээн өнгийн куртиктай, эмээ нь хар богино савхитай гарсан байна. Бид охины аав Д.Ганбаттай холбогдож ярилцлаа.
-Охиноосоо сураг чимээ сонссон уу?
-Үгүй ээ. 17-ны 12.00 цагийн орчимд гэрийнхээ тоглоомын талбайд тоглоно гээд гарсан юм. Орж ирэхгүй болохоор нь 13:00 цагийн үед охин руугаа залгахад, Сансар орчим автобусанд явж байна гэж хэлсэн. Яагаад ийм хол явж байгаа юм бэ гэхэд утас нь тасарсан. Түүнээс хойш залгахаар утас нь дуудаад байгаа хэр нь хариу өгөхгүй байна. Бидний санаа зовоод цурам ч хийж чадахгүй байгаа.
-Ээж нь мартах, зөнөх эмгэгтэй юу?
-Бага зэрэг сэтгэцийн асуудалтай. Гэхдээ зөвхөн бид л мэднэ. Өөр хүмүүст анзаарагдахгүй. Гэрээ бол сайн мэднэ. Охин маань ч гэсэн гэрээ сайн мэднэ. Яг л нэг зүйл болчихлоо. Нэг юм буруу болоод байна.
-Цагдаагийн байгууллагад хандаж үзсэн үү?
-Үзсэн. Эрэн сурвалжлах, дугаар шүүлгэх зөвшөөрөл 7 хоногийн дараа гарна гээд хөдөлж өгөхгүй юм. Хүн алга болчихоод байхад тоохгүй байна. Аргаа бараад тал бүр рүү залгаад, бүхий л газраар хайж байна.
-Охин, ээж хоёр нь хамаатан садныдаа очсон байх боломжтой юу?
-Бид бүх газраар эрж хайж үзсээн. Үнэхээр арга барагдаж, айж, зовж байна” гэв.
Хэрэв та эмээ, охин хоёрыг харвал 91641221 , 88057386 утас руу холбогдоорой.
