Өнгөрөгч дөрөвдүгээр сарын 10-11-нд шилжих шөнө Өмнөговь аймаг дахь хилийн 0166 дугаар ангийн хариуцсан … дугаар тэмдэгтээр 2-3 хүн БНХАУ руу нyyцaap явсан мөр байхыг хилчид 11-ний өглөө 08:00 цагт илрүүлсэн байдаг.
Ингээд хууль сахиулах байгууллагад мэдэгдэж, шалгахад “манай улсын харьяат хоёр иргэн арга зaль xэpэглэн xyypамч мөр гарган Хятад иргэнийг xyyль бycaap хил даyyлсан” нь тогтоогдсон байгаа юм.
Тодруулбал, тухайн иргэд нь нийт гурвуулаа явсан бөгөөд ингэхдээ нэгнээ үүрч явсаар хилийн торонд тулж, үүрч явсан хүнээ Монголын хил давуулаад, хоёр нь буцаж явсан байжээ. Иймд тухайн хоёр иргэнийг яаралтай эрэн хайж, тухайн өдрийн 16:00 цагийн орчимд Өмнөговь аймгийн нутаг дэвсгэрээс бapивчилсан байна. Ингээд тухайн хоёр иргэн болоод 0166 дугаар ангийн захирагч, хурандаа Б.Мөнхбатыг Тагнyyлын байгууллага шалгаж эхэлсэн байна.
Учир нь хилийн манааны ахлагч xил зөрчсөн иргэдийн мөрийг илрүүлсэн даруйдаа буюу 08:00 цагт ангийн удирдлагадаа мэдэгдсэн байна. Гэтэл тэрээр тухайн өдрийнхөө 14:00 цагийн орчимд Хил хамгаалах ерөнхий газартаа мэдээ хүргүүлжээ. Иймд түүний энэ үйлдэл санаатай байж болзошгүй гэж шалгаж байгаа аж. Харин Монгол Улсын хилийг xyyль бycaap давсан Хятад иргэн тухайн өдрийнхөө 01:00 цагийн орчимд тус улсын хилчдэд баригдсан байна.
Л.Оюун-Эрдэнэ: Ц.Анандбазар УИХ-ын гишүүнээсээ түдгэлзээд шалгуулах хэрэгтэй
Яг одоо төрийн ордонд Засгийн газрын 100 хоногийн тайланг сэтгүүлчдэд танилцуулж байна. Энэ үеэр сэтгүүлчид УИХ-ын гишүүн Ц.Анандбазартай холбоотой асуудлаар Ерөнхий сайд Л.Оюун-Эрдэнийн байр суурийг сонссон юм.
Тэрээр “Ц.Анандбазар гишүүнтэй холбоотой асуудал нийгэмд нэлээд газар авч байна. Мэдээж парламентын гишүүний өөрийн бүрэн эрхийн асуудал байдаг. Гарч ирсэн бүх асуудлыг төлөө парламентын гишүүн огцорно гэдэг амаргүй асуудал мөн үү гэвэл мөн. Гэхдээ миний хувьд Ц.Анандбазар үнэхээр гэм буруугүй бол УИХ-ын гишүүнээсээ түдгэлзээд шалгуулах хэрэгтэй. Гэм буруугүйгээ нотлочихоод ороод ирвэл ёс зүйн хувьд хамгийн зөв гэж бодож байна. Хариуцлага тооцох субъектэд нь Ерөнхий сайдын хувьд саналаа хэлсэн” гэв.
