Эх орноо боддог бол энэ улаанаар тэмдэглэсэн хэсгийг маш сайн уншаарай. Энд тэнд орчуулга тавигдсан байх боловч энэ хэсгийг орхигдуулсан юм уу бүрхэгдүүлсэн байна.
” Үүнээс гадна, дээрх үйл явдлууд нь Монголын зарим удирдагчдыг нь худалдан авах, хахуульдах замаар Монголын ардчиллыг гутаах, эрх зүйт ёс (rule of law), шүүхийн тогтолцоог нь нураах гэсэн ХКН-ын бодлогын өмнө Монгол орон улам хүчгүй, эмзэг болж буйд бид сэтгэл гүнээ зовниж байна.
2017 оны 12 дугаар сард Дээрхийн Гэгээн Далай Лам Монгол Улсад айлчилсны дараа БНХАУ-ын зүгээс Монгол Улсын эсрэг эдийн засгийн хориг арга хэмжээ авсан бөгөөд Гадаад хэргийн сайдаар ажиллаж байсан улс төрч Цэндийн Мөнх-Оргил, Далай Ламыг Монголд дахин айлчлуулахыг хориглох тухай Бээжингийн шaaрдлагыг дэмжиж буйгаа олон нийтийн өмнө мэдэгдсэн билээ.
Түвдийн Буддын шашин бол Монголын гол шашин шүтлэг бөгөөд Монголчуудын дийлэнхи нь Далай Ламын үнэнч бишрэн шүтэгчид байдаг учир дээрх мэдэгдэл тэдний хувьд гэнэтийн хүнд цохилт байлаа.
Мөн сарын сүүлээр эрх баригч Монгол Ардын Намын Ерөнхий нарийн бичгийн дарга Дашзэвэгийн Амарбаясгалан Бээжин хотод сурвалжлагчийн асуултанд хариулахдаа “…бид ХКН, Хятад Улстай харилцан солилцоо, хамтын ажиллагаагаа бэхжүүлэх дараа дараагийн алхмуудаа хийж … нийтлэг хувь заятай хамтын нийгэмлэгийг бүх хүн төрөлхтөнд зориулан байгyyлж өгөхийн төлөө тууштай хатран ажиллах болно…” хэмээн ярилцлага өгсөн байна.
2021 оны 3 дугаар сард болсон МАН-ын 100 жилийн ойн арга хэмжээний үеэр МАН-ын Ерөнхий нарийн бичгийн дарга мөн иймэрхүү утгатай мэдэгдэл хийснээс гадна МАН-ын Ерөнхий Нарийн Бичгийн Дарга болон бусад өндөр албан тушаалтнуудын хэмжээнд сүүлийн жилүүдэд хэд хэдэн албан ёсны солилцooны арга хэмжээ хэрэгжүүлсэн байна. “
Жич: Дипломат Ц. Сүхбаатарын орчуулгаас хэсэглэн авав.
Эх сурвалж : Losol Byambajargal-ын Цахим хуудас
