Дуулсан дуу бүхэн нь FM-үүдийн ХИТ парадыг тэргүүлж, нийтийн дууны ханхүүгээр өргөмжлөгдөж явсан С.Жавхлан УИХ-ын гишүүн болсноос хойш уран бүтээлээсээ үндсэндээ хөндийрсөн гэж хэлж болно. Гишүүний суудлаас буусан даруйдаа цэнгэлдэхийг тойруулж, дуугаа дуулсан нь ёстой л түмэн олныг баясгаж, цангааг нь тайлах шиг болсон. Одоо ч эхнэртэйгээ цуг үндэсний дээлээр гоёж, ахуйн уламжлалаа хадгалж, зан заншлын дагуу амьдардаг эрхэм билээ. Тэрээр саяхан өөрийн цахим хуудсандаа NTV телевизийн нэвтрүүлэг хүмүүсийн ихэд шимтэн үздэг ‘Эхнэрийн заавраар’ гэх нэвтрүүлгээс оролцооч хэмээн санал ирсэн боловч ихэд уцаарлаж санал бодлоо хуваалцжээ.
‘Эхнэр нь заагаад хоол хийдэг нэвтрүүлэг наадмын дугаар гээд ярилаа: Алийн болгон дандаа хоол хийх вэ? Одоо наадахаа өөрчлөөд хүрз бариад ажил хийдэг, хогоо цэвэрлэдэг, бодитой үр бүтээлтэй нийгэмд зөв уриалга үлгэр дууриалал болдог нэвтрүүлэг хийцгээ гэлээ! Зөв үү?
Жалгаар нэг хаядаг арьс нэхийгээ ч болтугай элдээд эд хийхийг нь заагаад өгдөг, бүтээлч үлгэр жишээ хүмүүсийг гаргадаг зурагт энэ дэнж дээр нэг ч алга…’ хэмээжээ.
