Босоо Ганбаагийн буурьгүй сонголт сошиал сүлжээнд од болж, олныг талцуулж, зарим нэгний дургүйцлийг хүргэж эхэлсэн. МАХН-ын дэд даргын суудалд байсан тэрээр намаасаа бүрэн татгалзаж, Ардчилсан намыг сонгов. Эл байдлаа тэрээр Ардчилсан намтай нэгдэж, эрх баригчидтай тэмцэнэ гэдгээ илэрхийлсэн.
Гэтэл С.Эрдэнэ түүнийг АН албан ёсоор бүртгээгүй байгаа, намын гишүүн биш хэмээн мэдэгдсэн. Тэрээр ‘Аливаа асуудлыг дүрмийн дагуу шийдвэрлэдэг байх ёстой. УИХ-ын гишүүн С.Ганбаатар МАХН-аас гарч, АН-д элслээ гэж. АН-д хэн нэг УИХ-ын гишүүн, С.Ганбаатар гэж хүнийг элсүүлээгүй гэдгээ албан ёсоор мэдэгдэж байна. Дүрмийн бус хэсэг бүлэг хүмүүс АН-ыг төлөөлөх эрхгүй’ гэж мэдэгдсэн юм.
Тэгвэл Ардчилсан намын ууган гишүүдийн нэг Э.Бат-Үүл мөн байр сууриа илэрхийлж, цахим хуудсандаа өөрийн санаа бодлыг хуваалцжээ. Тэрээр ‘Намд маань фэнгшү Ганбаатар элсч. Дөнгөж ирмэгцээ Ерөнхийлөгчид нэр дэвшинэ гэнэ. Үгүй байлгүй дээ. Нэгд, Ерөнхийлөгчид нэр дэвшигчид тавих шаардлагыг хангахгүй. Хоёрт, АН бол дуртай нь ирээд нэр дэвшээд явдаг хямд Motel биш. Гуравт, АН нь чавесчуудын нам биш, өөр мундаг нэр дэвшигчтэй’ гэв.
