“Никитон” хамтлагийн ахлагч, дуучин Б.Батчулуун олон сайхан уран бүтээлээрээ олны хайр, хүндэтгэлийг хүлээсэн. Гэтэл олон нийтийн сүлжээнд +18 онигоо гэх тодотголтой xv.чи.px.ийлэлтэй холбоотой зүйл ярьсан нь олон хүний бyxимдлыг төрүүлж, шүүмжлэлд өртөөд байгаа юм.
Тэгвэл тэрээр өөрийн цахим хуудаснаа “Сээлийгийн нэвтрүүлэгт орчихоод хот орох ажилтай учир Сээлийгийн машинд дайгдаад яармагаас хот хүртэл 6 цаг гаран түгжирсэн юм. Тэр хооронд лайв хийгээд хэсэг онигоо ярив. Би ч дотроо санаа зовжил байлаа. Арай л хаард онигоо ярьчихав уу даа гээд. Уг нь ч хот тэр чигтээ түгжрээд бухимдалтай байхад нь жоохон ч гэсэн хөгжөөе гэсэн санаатай байсан юм. Даан ч хужир нь ихдээд түмэн олныг дэндүү бухимдуулчихлаа. Олон нийтийн сүлжээгээр болох болохгүй зүйл донгоссон нь миний түмэн буруу. Та бүгдийг энэ өвчин зовлон гээд сэтгэл санаа хүнд байхад нэмэр болохын оронд нэрмээс болж стресстүүлсэндээ томоос том хүлцэл өчье.
+ 18 онигоог хүн бүхэн л дор бүрдээ ярьдаг байх. Гол нь олон нийтийн сүлжээгээр ярих ч юм байна, ярихгүй ч юм байна гэдгийг хүмүүс анзаарч сургамж авсан биз ээ. Надад бол томоос том сургамж боллоо. Харин Сэрчмаад ямар ч буруу байхгүй шүү! Би л гэж нэг шаврын хаалт машинд нь үсэрч суугаад ca.дa.p caм.yyн онигоо яриад Сээлийгээ хөлдөө чирчихлээ. Инээд муутай л даа Сэрчмаа. Байнга л инээж явдаг юм. Харин хазайсан дээр нь гэгчээр “Капитрон банк”, яруу найрагч Шүүдэрцэцэг, хийлч Байгалаа, дуучин Ариунаа болон нүүр буруулж буй бүх хүмүүст хэлэхэд онигоо ярьсан болохоос гэмт хэрэг хийгээгүй шүү дээ! Бүү туйлшрал даа л гэж хэлье дээ” хэмээн бичжээ.
Тэдний хийсэн бичлэгээс болж хамтран ажилладаг байгууллагууд нь татгалзжээ. Тухайлбал Б.Батчулуунтай хамтран ажилладаг Капитрон банк, С.Сэрчмаатай гэрээлдэг 25-р суваг телевиз хамтран ажиллахаа зогсоосон байна.
Бичлэг:
