Монгол Улсын Хөдөлмөрийн баатар Н.Түвшинбаяр хүн з.о.д.с.о.н хэргээр цагдан хоригдсон байгаа билээ. Олон нийт түүнийг найзыгаа бэ.р.т.э.эсэн тул олимпийн медалиудыг нь хурааж авч цол тэмдгийг нь хүчингүй болгох асуудлыг хөндөх хэрэгтэй хэмээн шүүмжилж буй.
Тэгвэл энэ асуудалд Монголын Үндэсний Олимпийн хороо ийнхүү мэдэгдэл гаргажээ.
Жүдо бөхийн шигшээ багийн гишүүн-тамирчин байх үедээ хөдөлмөрийн баатар, гавъяат тамирчин Найдангийн Түвшинбаярын олимпийн наадмаас эх орныхоо түүхэнд хүртсэн анхны алтан медаль, Лондон-2012 наадмаас мөнгөн медалийн болзол хангаж, олимпийн анхны хос медальтнаар тодорсон гаргуун амжилтын албан ёсны үнэт баталгаа олимпийн алт, мөнгөн медалийг ОУОХ асуудлыг огт хөндөөгүй, цаашдаа ч огт хөндөхгүй халдашгүй дархан өв гэдгийг МҮОХ мэдэгдэж байна. Олимпийн медалийг тухайн наадмын үеэр допинг хэрэглэсэн нь батлагдсан, олимпийн медалийн тавцанд гарахаас татгалзсан, дараа олимпийн медалийн нэр хүндийг гутаан ,үзэгчдийн нүдэн дээр спортын дэвжээ, танхимд санаатайгаар орхисон, төрийн хориотой плакат өргөж, ухуулга уриа хашгирах зэрэг зохисгүй үйлдэлд бүр мөсөн хураадаг дүрэмтэй билээ.
ОУОХ-ноос Н.Түвшинбаярын олимпийн медалийн асуудлаар МҮОХ-нд огт хандаагүй гэдгийг албан ёсоор мэдэгдэж, ОУОХ-ны Olympic Games, Medals, Results, News | IOC сайт дээр Монгол улсын нэрийн өмнөөс түүний хүртсэн мөнхийн гавъяа олимпийн алт, мөнгөн медаль бүртгэлтэй хэвээр буйг та бүхэнд үүгээр толилуулж байна.
