Өнгөрсөн гуравдугаар сарын 31-нд гадаад улсад амьдарч, ажиллаж буй иргэд ‘Дэлхийн Монголчуудын холбоо’-ны нэгдсэн зөвлөл байгуулж, холбооны ерөнхийлөгчөөр Ц.Элбэгдорж ерөнхийлөгч асанг сонгосон байна.
Монгол улсаас МУ-ын Ерөнхий сайд асан Д. Бямбасүрэн, зохиолч Д.Урианхай, чөлөөнд байгаа генерал Л. Пүрэвдорж тэргүүтэй хүмүүс уг холбоог дэмжин үүсгэн байгуулагчид болцгоожээ.
Дэлхийн Монголчуудын холбооны үүсгэн байгуулагчдын хуралд Монгол, Япон, Европын зарим орон болон АНУ-аас хүмүүс оролцсон аж.
‘Дэлхийн Монголчуудын холбоо нь Монголчуудын эв нэгдэл, нийтлэг эрх, эрх чөлөө, бахархал, соёл уламжлал, хэл бичгийг хамгаалах, түгээн дэлгэрүүлэх эвийн гэр байгуулж, Монголчуудын харилцан ойлголцлыг бэхжүүлж, олон улсын хамтын ажиллагааг өргөжүүлэн хөгжүүлэх зорилготой’ гэнэ.
