Саяхан хэцүү нэртээс суллагдаад буй УИХ-ын гишүүн асан Н.Номтойбаяр өөрийн твиттэр хуудаснаа ийнхүү жиргэжээ:
НАМЗХ-ны 24 насны төрсөн өдрийн мэнд хүргэе! Гурван шopoнгoop дамжин явахад сэтгэл эмзэглэмээр асуудал нь залуучууд шopoнгoo дүүрсэнд байлаа. ЗГ нь манлайлаад НАМЗХ, МЗХ, АЗХ холбогдох ТББ-тай хамтраад хэрэгжихүйц бодлого гаргах шаардлагтай байна. Надад ч бодсон шийдэл байна.
Сануулхад: УИХ-ын гишүүн асан Н.Номтойбаяр 2021.04.01-ны өдөр шopoнгooc суллагдсан юм.
УИХ-ын 2020 оны ээлжит сонгуульд Хан-Уул дүүрэгт бие даан нэр дэвшин өрсөлдөж байхдаа ШШГЕГ-ын харьяа Цагдан хорих 461 дүгээр ангид саатуулагдсан УИХ-ын гишүүн асан Н.Номтойбаярт анхан шатны шүүхээс 5.5 жилийн ял оноож, нийтийн албанд томилогдох эрхийг таван жилийн хугацаатай хассан юм.
Улмаар давж заалдах шатны шүүхэд хандсан ч шүүх бүрэлдэхүүн анхан шатны шүүхийн шийдвэрийг хэвээр үлдээж шийдвэрлэсэн бол Улсын Дээд шүүхээс УИХ-ын гишүүн асан Н.Номтойбаярт оноосон анхан болон давж заалдах шатны шүүхийн шийдвэрийг багасгаж, нийтийн албанд томилогдох эрхийг хоёр жилээр хасаж, нэг жилийн хорих ял болгон өөрчилсөн билээ.
Дээд шүүхээс Б.Нямдаваа, Б.Шижиржаргал, Н.Баттөгс нар нь төсөл сонгон шалгаруулах ажлын хэсгийн хурал нэг ч удаа болоогүй байхад хийсэн мэтээр баримт бүрдүүлж, найман иргэн, 21 аж ахуйн нэгжид 3.9 тэрбум төгрөгийн санхүүжилт олгосон хэрэгт Н.Номтойбаяр гэм буруутай болох нь тогтоогдоогүй гэж үзсэн юм.
Эх сурвалж: ulstur.com
