Kopoнавиpycийн халдвараас сэргийлэх УОК, Монгол улсын Шадар сайдын тушаал шийдвэрийн дагуу хол хорио тогтоосон үед хулгайн замаар хурдан морь авахаар Дорнод аймагт нэвтэрсэн 2 дахь тохиолдол ийнхүү эрсдэлтэй нөхцөл байдал үүсгэж Дорнод аймгийн нутаг дэвсгэр шар, улаан түвшинд шилжээд байна.
Тодруулбал, 2021 оны 1-р сарын 13-ны өдөр УИХ-ын гишүүн асан Агваансамдангийн Сүхбат нарын 5 хүн ямар ч зөвшөөрөлгүйгээр постгүй газраар явж Хэнтий аймгийн Баян-Овоо сум, Баянхутаг сумаар дамжин Дорнод аймгийн Баян-Уул, Хэрлэн сумаар дамжиж Халхгол суманд очсон байдаг. Тэднийг Халхгол суманд албадан тусгаарлаж Зөрчлийн тухай хуулиар хэрэг үүсгэсэн. Дээрх үйлдэлд нь Дорнод аймаг дахь шүүхээс А.Сүхбат болон түүний жолооч нарыг тус бүр 500,000 төгрөгөөр торгох шийтгэл оногдуулсан байдаг.
Тэгвэл энэ удаа Өмнөговь аймгийн иргэн А гэх этгээд мөн хурдан адуу сонирхохоор хулгайн замаар ирж 3 сумын нутаг дэвсгэр дамжин явсан бөгөөд түүнээс Koвидын халдвар илэрч Дорнод аймгийн нутаг дэвсгэрт Koвид цар тахлын халдварын эрсдэлтэй нөхцөл байдал үүсгэжээ.
Эх сурвалж: shuurhai.mn
