УОК дөнгөж сaя хурaлдaж дууслaa. Хурaлдaaнaaр сургууль, цэцэрлэгийн хөл хориог ирэх есдүгээр сарын 1-н хүртэл сунгах шийдвэр гaргaсaн бaйнa.
Гадаад харилцааны сайд Д.Цoгтбаатар: Эрээнд байгаа 50 монгол иргэн гурван сарын 25-аас эх орондоо ирэх хүсэлт гаргасан. Дөрөвдүгээр сарын 10-нд Өвөрмонголын УОК эдгээр иргэдийг хилээр нэвтрүүлэх зөвшөөрөл өгсөн. Өнөөдөр УОК-ын хурлаар оруулж, маргааш өглөө Эрээн замын -Үүд боомтоор 50 иргэнээ татаж авахаар боллоо.
БСШУС-ын сайд Ё.Баатарбилэг: Улсын онцгой комиссоос сургууль, цэцэрлэгийн хорио цээрийг ирэх есдүгээр сарын 1-н хүртэл хойшлуулж байна.
Улсын онцгой комисс /УОК/ яг одоо хуралдаж байна. Хуралдаанаар сургууль, цэцэрлэгийн карантиныг сунгах эсэхийг хэлэлцэж байна. Сургууль, цэцэрлэгийн хорио дөрөвдүгээр сарын 30-ны өдөр дуусгавар болох бөгөөд Ерөнхий сайдын зүгээс энэ хугацааг ирэх есдүгээр сарын 1-н хүртэл сунгах саналыг УОК-т гаргаад байгаа юм. Өнгөрсөн удаагийн хуралдаанаар хэлэлцэх байсан ч Боловсрол, соёл, шинжлэх ухаан, спортын яамнаас зарим мэдээлэл дутуу боловсруулагдсан гэж үзээд хойшлуулаад байсан юм.
