Цахим орчинд өөрийн үзэл бодлоо чөлөөтэй илэрхийлдэг жүжигчин Б.Цэцэг улстөрчдөд хандаж тун ширүүхэн хэдэн үг хэлж, цахим хуудсаараа дамжуулан лайв хийлээ. Сүүлийн өдрүүдэд вакцин орж ирж, цаг үе гайгүй болох хандлагатай байсан ч халдвар эрс нэмэгдэж, вакцин ч иргэдэд сонголтгүй болж, эдийн засаг элгээрээ хэвтэх шахам болж буй. Үүнд бухимдсан Б.Цэцэг ЭМЯ, ХӨСҮТ, НОК, УОК-ын зардлыг ил болго хэмээн шаардаж байна.
Тэрээр хэлэхдээ Хөгцөндөө баригдсан эмнэлэгтээ хэдэн мянган хүн аваачиж хориод, хөл хорио тогтоохоо боль. Бид нарын хүчээр дээшээ гарсан та нарыг хэзээ ч давраахгүй. Бид нарын сэтгэлийн дэндүү уландаа гишгэлээ. Koвидынхoo зардлыг ил болгооч. Тэгж их идмээр байгаа бол мөнгөө гудардгаараа гудар. Бид нарыг эрх чөлөөтэй орхи. Vхvvл Vхье өвдвөл өвдье. Наад шоугаа больж үз. Би амьдралдаа тэр эрүүл мэндийн даатгалын мөнгөөр шүдээ ч үзүүлж үзээгүй.
Иргэд яаж амьдрах уу, хоол хүнсээ яах уу гээд байж байхад та нар төсвийн мөнгөөр дураараа дургиж, хүссэнээрээ битгий үрээч. Одоо хангалттай бид нар олон удаа тэвчсэн хэмээн ярьж байлаа.
