Жүжигчин Г.Алтаншагайгийн эхнэр С.Насанжаргал Эрдэнэт үйлдвэрийн салбарын орлогчоор томилогдлоо. Олноо TV5 телевизийн хөтлөгч гэдгээрээ танил болсон сэтгүүлч бүсгүй Насаа, жүжигчин Алтаншагай нар тоонот гэрт толгой холбож, тостой тогоонд хошуу дүрсэн аз жаргалтай хосууд.
Эрдэнэт үйлдвэр ТӨҮГ-ын Улаанбаатар хот дах төлөөлөгчийн газрын бүтэц дээр орлогчийн орон тоог нэмэгдүүлэн зуруулж орж ирсэн нэгэн С.Насанжаргал болоод байна. Эрдэнэт үйлдвэрийн Улаанбаатар хот дах төлөөлөгчийн газар нь нийт 23 орон тоотой. Хуучин бүтцээр төлөөөлөгчийн газар нь нэг орлогчтой байсан бөгөөд салбартаа олон жил ажилласан туршлагатай н.Тамир гэгч ажилладаг.
Нэг даргад долоон толгой хариуцуулан Эрдэнэт үйлдвэр саалгасаар л байна. Захирал болгон тусдаа өрөөтэй, тусдаа машинтай, тусдаа жолоочтой, тусдаа хангамжтай л гэнэ шүү.
Бүсээ тасартал төсвөө хэмнэнэ гэсэн нь энэ үү ? Л.Оюун-Эрдэнэ сайд маань Жүжигчин Г.Алтаншагай Хэнтий аймгийн Бэрх тосгоных. Тэгэхээр Ерөнхий сайд та нутгийн бэрээ эрхлүүлэв үү гэж хардахад хүргээд байна.
