УИХ-н гишүүн, дэд сайд асан Монголын нөлөө бүхий томоохон компани болох МАК-н өв залгамжлагч гээд олон тодотголтой Номтойбаярт шүүхээс эхлээд 5,5 жил, давж заалдах шатанд бууруулан 1,5 жилийн хорих ял оноожээ. Угтаа тэрээр хугацаанаасаа өмнө магадлангаар суллагдах боломжтой гэж олон мянган дэмжигч нөхдүүд нь ар гэр нь харж тэсэн ядан хүлээж байлаа. Гэвч тэрээр магадлангаар суллагдаж хууль бус ялыг хүлээн зөвшөөрч хэзээ ч чадахгүй. Шорондоо сууж хууль бус шүүхийн систем, өөрийн эсрэг турхирдаг улстөрчдийн эсрэг тэмцэнэ гэдгээ өмгөөлөгчөөрөө дамжуулан дөнгөж сая мэдэгдлээ.
Олон зангүй, хэлэх үгээ хэнээс ч айлгүй хэлчихдэг, дургүй хүнтэйгээ УИХ-н гишүүн гэлтгүй гар зөрүүлчихдэг тийм л эр хүн. Маш ирээдүйтэй, бас мөнгөний асуудалгүй томоохон улстөрч учир түүнийг улстөрийн хүрээнээс ийнхүү зохион байгуулалттай холдуулсан гэж тэрээр үзэж байгаа бөгөөд үнэн зөвийн төлөө, нэрээ цэвэрлэхийн төлөө эцэсээ хүртэл тэмцэнэ гэдгээ ийнхүү зарлалаа.
