Сошиал од гэгддэг Осоржамаа талбай дээр суулт хийж өлсгөлөн зарлаж байгаа УИХ-ын гишүүн С.Ганбаатарыг дэмжиж лайв хийсэн гэнэ. Тэрээр түүнийг дэмжихийг ард түмэнд уриалж улстөржиж фэнүүдээ гайхуулаад авч. Ганц Осрожамаа гэлтгүй Отгонбаатар, Дух цэцгээ, Жагар, МАХН-ын дарга Н.Энхбаяр гээд олон дагагчтай хүмүүс түүнийг дэмжиж байгаа илэрхийлж лайвдсан. Гэтэл түүнийг цагдаагийн байгууллагаас саатуулан шалгаж, дахин улс төрийн агуулгатай лайв хийхгүй байхыг хатуу анхааруулж сулласан гэнэ. Ингээд түүний нэгэн ярилцлагыг хүргэе.
-Өчигдөp тaныг зpдco иpгэнийг Цaгдaaгийн бaйгууллага шaлгaж бaйгaa. Ер нь тухайн үед яг юу болов?
-Гэр лүүгээ орох гээд явж байхад нэг хүн Чи эр, эм нь мэдэгдэхгүй, лайв хийгээд байдаг мэдрэл муут мөн үү гээд шууд хамар руу цохиод авсан.
-Тэр дор нь холбогдох албан байгууллагад мэдээлэл өгсөн үү?
-Үгүй ээ, цагдаа нар өөрсдөө ирсэн. Надаас гурван ч удаа мэдүүлэг авсан. Гэсэн ч явуулахгүй байлгаад байхаар нь зугтаад гараад ирсэн.
-Юуны учир байлгаад байсан талаараа хэлсэн үү?
-Үгүй ээ. Хоёр цагдаа надаас мэдүүлэг авсан. Эхний удаад мэдүүлгээ өгөөд гарын үсгээ зурчихсан байхад дахиад мэдүүлэг авна гээд, хүлээлгээд л байсан. Тэгээд явуулахгүй байхаар нь 21.00 цагийн үед гэр лүүгээ гараад зугтсан. Тэгсэн чинь цагдаа нар араас гэрт ирээд, энэ мэдүүлэг дээр гарын үсэг зуруулаад явсан.
-Одоо бэртэл, биеийн байдал нь хэр байна вэ?
-Хамар хавдаад нүд рүү орсон байдалтай, толгой өвдөөд байж байна.
-Чамайг зодож танхайрсан иргэн уучлалт гуйсан уу. Ямар нэгэн байдлаар холбогдов уу?
-Уучлалт ч гуйгаагүй. Ер нь би утасны дугаараа үргэлж бусдаас нууцалдаг. Хүмүүс утсаар дарамтлах тохиолдол их байдаг учраас тэр. Гэрт хүртэл хулгай орсон шүү дээ. Тухайн үед цагдаа нар мэдүүлэг аваад хохирол барагдуулж өгнө гэж хэвлэл мэдээллээр ярьсан. Гэтэл тэр хэрэг байтугай өмнөх халдлагын хэргүүд ч одоо болтол шийдэгдээгүй байгаа. Мэдүүлэг аваад л шийдэгдсэн юмгүй таг болчихдог нь хэвээрээ.
-Чамайг гэртээ байхад хүртэл хэн нэгэн гэнэт халдах нь энгийн үзэгдэл болжээ. Хөршүүдийн хувьд ямар нэг асуудал гаргадаг уу?
-Саяхан хойд айлын эгч, өөрийнхөө хашааны үүдэнд байгаа хогийг намайг түү гэж шаардсан. Би мэдээж айлын хашааны гаднах хогийг түүхгүй гэж хэлсэн. Энэ мэт асуудлууд гарч ирнэ ээ.
-Хувийн мэдээллээ нууцалж, одоо оршин суугаа хаягаа өөрчлөх тухайд бодож үзсэн үү?
-Амьдарч байгаа газраасаа нүүх гэж оролдож үзсэн ч, өөр газар олдоогүй. Хүмүүс дургүйцээд хүлээж аваагүй.
-Нийгэм чам руу маш их стресс илгээж, зүй бус хэллэгээр дарамталдаг шүү дээ. Үүнийг хэрхэн хүлээж аван, даван туулдаг вэ?
-Хүндээр туссан хэвээрээ. Дарамт байнга ирдэг нь энгийн үзэгдэл мэт болсон.
-Машинтай болж, таксинд явж буйгаа саяхан цахим хуудсаараа дамжуулан хуваалцсан. Шинэ ажил амжилттай юу?
-Приус маркийн автомашинтай болсон. Орой үдшийн цагаар таксинд явах нь эрсдэлтэй учраас өдрийн цагаар явж байгаа. Хүмүүс таксиныхаа хөлсийг асуудалгүй төлөөд, одоогоор эерэг хүлээж авч байгаа шүү.
