МУ-ын еpөнхий сaйд асан Д.Бямбасүрэн баавай cvvлийн үед aжиглaж бaйxaд, УИХ-д oлoн хxн шинээр орж ирсэн. Шинэ үзэл санаа, шинэ ололт орж ирэв үү гэтэл бас биш байна. Цэвэр бизнесийн эрх ашиг, эдийн засгийн ашиг сонирхол руу улам хөтлөгдөх хандлага байгаа нь харамсалтай. Энэ бол эмгэнэл. МАН зүүний нам гэсэн нийгмийн чиг баримжаатай бодлого явуулна гэж тунхагладаг. Гэтэл эдийн засгийн бодлого нь олигархиудын бодлого болоод хувирчихлаа. Ялангуяа татварын бодлого. МАН-ын үзэл баримтлал нь явуулж байгаа бодлогоосоо эрс зөрүүтэй болж байна. Сангийн сайд Ч.Хүрэлбаатар байгаа цагт МАН-ын эдийн засгийн бодлого огтхон ч өөрчлөгдөхгүй. Сангийн сайд Ч.Хүрэлбаатар бол Монгол Улсыг хөгжүүлэх бодлогын хүн биш. Ч.Хүрэлбаатар бол зөвхөн гадныханд л үйлчилдэг хүн. МАН ерөнхий тогтолцооныхоо хувьд регресс буюу ухралт руу нэгэнт орчихлоо. УИХ-ын чуулганаар хэлэлцэж байгаа хуулиудыг харахад төрийн хяналтын тогтолцоо бүрэн алдагдсан байна. хэмээн өнөөгийн төр засгийн нөхдүүдийг шүүмжилсэн ярилцлага өгсөн байна.
Гэтэл УИХ-ын гишүүн асан А.Ундраа хэмээх эмэгтэй Ингэж хөгширч байснаас үхсэн нь дээр хэмээн жиргэсэн нь олны эгдүүцлийг төрүүлээд байна. Үнэхээр тэрээр төр засгийн удирдлагад байсан, төрийг түшилцэж явсан, шударга үгтэй ахмад настай хүнийг үхсэн нь дээр гэж доромжилсон нь сошиальд иргэдийн бухимдлыг төрүүлж байна.
Иргэдэд шүүмжлүүлж эхэлмэгц тэрээр бичсэн мэдээллээ устгасан байна. УИХ-ын гишүүн байсан тэр дундаа 50 нас хүрсэн эмэгтэй, эх хүний амнаас бусдыг үх гэдэг үг гарсан нь хир зохимжтой вэ? Мөн Д.Бямбасүрэн нь Монгол Улсыг өрөнд оруулсан Оюутолгойн гэрээний талаар хэлэхдээ, Оюу толгойн гэрээ бол эрх мэдэлтнүүд хуйвалдаж, улсаа худалдаж, нийгэм, үндэсний эрх ашгаасаа урвасан үйлдэл. Хээл хахуульд гүн гүнзгий живсэн нь Монгол Улс Оюу толгойн гэрээг батлуулах үндсэн эх сурвалж нь болсон.Энэ талаар олон баримтууд дурдаж болно, одоо ч олон баримтууд гарч ирсээр байна. Тухайлбал, Английн Шүүхээр шийдвэрлэж байгаа ноцтой баримтууд нь Нью-Йоркийн Шүүхийн цахим санд тавигдсан байна лээ. Цахим сан руу нь хэн ч орж мэдээлэл авч, уншиж болохоор байна. Английн Дээд Шүүхийн шүүгч Марк Пеллингийн гаргасан шийдвэрүүд болон холбогдох баримтууд гарсан байгаа.Би Оюу толгойн асуудлыг эхнээс нь анхааралтай ажиглаж байгаа хүний хувьд хэл устай хүүхдүүдтэйгээ хамт орж мэдээллийг нь нягтлан олон удаа уншиж танилцсаны эцэст гайхаад сууж байна. Үнэхээр төрсөн нутаг, газар шороо, ард түмнээ Оюу толгойн гэрээг гардан гүйцэтгэсэн улстөрчид мөнгөөр арилжсан нь харагдана, харуусал ч төрнө. Өнөөдөр хүн бүхэн хүсвэл гадаад ертөнцтэй холбогдож, хүссэн мэдээллээ авч чаддаг болсон цаг үе шүү дээ. Одоо ч гадаад хэлгүй хүн ховор болсон байна. Иймээс эх оронч сэтгэлтэй хүн Нью-Йоркийн Шүүхийн цахим сан руу ороод үзвэл миний хэлсэн Оюу толгойн гэрээ бол Монголын төрийн эрх мэдэлтнүүдийн шуналын бүх төрлийн нян цугларсан бохирын сав мөн гэдэг өгүүлбэрийг сайн ойлгох болно гэжээ.
Фэйсбүүкийн тайлбар нь: А.Ундраа Ерөнхий сайд асан Д.Бямбасүрэнг ингэж амьд явахаар үхсэн нь дээр гэжээ. Төр нийгмийн ахмад зүтгэлтэн Д.Бямбасүрэн нь ард иргэдийн амьдрал ядуу байгааг эрх баригчдын буруу хэмээн хатуу шүүмжилсэн тул түүнийг үхвэл таарна хэмээн УИХ-ын гишүүн байсан А.Ундраа хэмээх энэ эмэгтэй доромжилсон байна. Монгол хүний ёсонд баймгүй энэ үйлдлийг иргэд их шүүмжилсэн тул тэрээр удалгүй постоо устгасан байна.
